[الخطر]

السلام عليكم ورحمة الله وبركاته

الحظ بيـد الله وحـده مـا يشـاء ومـا يريـد=أمـا قعـد وألا وقـف وألا طـلـع وألا نــزل
والخلق خلـق الله كـل الخلـق للخالـق عبيـد=سبع الأراضي فوقها سبـع السمـوات وعـزل
والله قسم من بين خلقه ذا شقي وذا سعيد=والله ينزلنا نهار الحشر في خير النزل
وحنّا ورثنا الجود من حاتم وسيف بـن الوليـد=وحنّا غزلنّا المرجله ودروبها يـا أهـل الغـزل
وأن كان شفنا الضيف مقبل والجماعه يوم عيـد=ونشوم من حكيّ النساء ونشوم من ضرب العزل
وأبليس يجري في الدماء والموت في حبل الوريد=والطيب بين الناس والمعـروف باقـي لا يـزل
خزّنت وسط الذاكره مـن شـرّد القيفـان غيـد=أكتب جزل وأقرأ جزل وأحفظ جزل وأذكر جـزل
يا لين طاعة عقب ما لانت من الـراس العنيـد=فرايد(ن)مثل الـدرر فـي وصفهـا وألـوان زل
تطيع عسرات القوافي مرغمه والدرب سيد=ما راح منها واحده حتي الشرود المنعزل
للنايفه والكايده والطيّبه عم(ن) وسيد=والله سبحانه هو الباقي والأعلي والازل
عندي شهاده ثابته والله علي خلقه شهيد=ومن بار في شهادته قدّام خلق الله رزل
واليوم أنا بقولها وأعيدهـا يـا أهـل القصيـد=والله مـا أقـرأ للهزل والله مـا أكـتـب للهزل
وحنّا سفارين العرب والطيب والفعل الحميد=نذكر فعول أهل الفعل في ما مضي والوقت زل
هل سربة(ن)كم حوّلوا من راس شيخ ومن عقيد=واللي سلم يروح غير الحال واطيه الهزل
من لابة(ن)منصي الرفاقه والقريّب والبعيد=ماكر حرار ومن حرار ولا دخل فيهم نزل
نرقا علي العليّا وأبو عرّام شيطان(ن)مريد=والذيب يقنب والغنم ما فادها طول الغزل
والشمس لا شعّت علي ثلج القطب ذاب الجليد=والعارفه ما هو يعرّف ما يحيد ولا يزل
واليوم في نعمه وخير وجعل خير الله يزيد=والعلم عند الله وثم اللي ينصب ويعزل
ومالي ومال العلّه اللي صابة العقل البليد= يزور مستشفي شهار أوباب مستشفي العزل
والرابح اللي حط له للأخره شيك ورصيد=هذاوصلي الله علي من جاء له الوحيّ ونزل