اقتباس:
|
المشاركة الأصلية كتبت بواسطة الـــكايـــد
صلووووووعلى النبي
هذى القصيدة مجاراه لقصيدة الاخ حسن بن نافل العرجاني( الروشه ) وعسى ان تنال اعجابكم
شاش راسي وانثنيت بخنجر منقوشه = واعتزيت وقلت انا من لابة شواشه
لابةٍ لامن نوت حدّ البعيد تنوشه =وان تعدّاها القريب تخمّه الرعّاشه
ان مشينا كن الارض بمشينا مفروشه =ضربنا في الباش ولا في وزير الباشه
مانعامل بالغدر والعملة المغشوشه = ننطح وجيه القشر لا انحاشو النحّاشه
راكب اللي يصل الملتاع دار الروشه = ديرة سكانها سكارة حشاشه
جيب لكسز كن سيته رملة مرشوشه = وكن بديه لاتحرك نوة رشاشه
ان ذكرة ضويمر السرجوف قمت اهوشه =لين اكيم به وتظهر سرعته في الشاشه
المكينه لا نتلته كنها مخروشه = والكفر كنه يجيه من الطريق خراشه
موتري لما زهمته كنه المربوشه =ايش فيه من الحميا لو قلبتو جاشه
كن زيته فيه من دم آل مطلق نوشه = مابقى الا يعتصب ثم يلتقط رشاشه
يحتفر بين الثلوج وتلهم واعروشه =في بلد لبنان قوم تكره الدشداشه
ثم اشوف زيانهم مكشوفه ومخشوشه = والله ان كنهم مع ام الناعسات خباشه
باسكال براسها لو جات وسط الكوشه = والله انها ماتساوي الزين في وشواشه
صاحبا خلى معاليق الحشى محشوشه = راضي باقصاد محبوبي وادور كاشه
وقلت لي بيت يذكر صاحبي بطروشه = الطروش اللي لفوه جدودهم عواشه
ماتعيش الا على صوت النعت والهوشه = وماتعيش الا على كلمة خويك ماشه
كل هذي يابن نافل من طواري الروشه =ششت للطاري وانا من لابة شواشه
|
الله الله يا الكايد
مجاراة جزله من راس جزل
صح السانك مدد مهوب عدد
ودام ابداعك يالقرم