[غيام]

سعد ... وقصيدة مبهرة,فاتنه,شاعريه,عذبه,
رومانسيتها تتكلم عنها حروفها ..وروعتها تقرأ تفاصيلها مابين السطور
سعد ... الشاعر الاكثر إدهاشا , وخلقا .. وجمالا, يفتح اسوار حديقة احاسيسه لنا
فنتجول مابين ياسمين معانيه وعطر كلماته...
سعد ... مرعباً في مشاعره وشاعريته وحضورة
لكم القصيدة واخص اخي (رمان)

مايّنكر نور ولا تلمع انحاسه=لو لمعوها هل التلميع ..هي هيّه
يعني لو ابحث خيوط عروق دساسه=تطلع عيال الحراميه.. حراميه
عّلم تلاميذ شرح الوقت واقواسه=الي تدور علاقات اجتماعيه
تختار واحد مميز صدق فجناسه=واحد سنافي ولا خمسين ركبيّه
بنك المراجل حشا مايشهر افلاسه=نسبات الارباح فيه ألفين بالميه
الا المراجل بهل جحدان وخساسه=تطلع عليك المراجل فيها ..عكسيه
ياصاحبي ياكيان العز والباسه=لا تجرحك جحدت الجاحد ولا خيّه
ربحنا في المركز الاول ونوماسه=واهل التمر خل يفيدون الحساويه
اليا طغا ليل ابو الاشواق باغلاسه=وتشتتوا الناس .. شرقيّه وغربّيه
شغللي (الفايتن) وانورلي اكباسه=الي مهي شريه .. وماهيب عاريه
مصيونةٍ من خبوش الوقت وانجاسه=وذفه وفخمه .. وسرعتها جنونيه
كنها ليا جات مع الجسر روّاسه=نقطة ندى زحلقتها ريح فجريه
مشتاق والشوق ماكلني وبشراسه=كن قلبي من الوله بيطيح فـــيديه
للفارع الي تعس بجوفي اعساسه=احبّها من وانا ادرس لـــبتدائيه
مجنونةٍ تخلف براسي وهوجاسه=طيشا .. وغنجا .. ودلوع .. وسنافيه
اليا تعبن عارضات القد مياسه=مخلوقةٍ لا حشا ماهي .. طبيعيه
لاجات للحفل فرت روس جلاسه=كنها تحرك على ازرار اكترونيه
وان سلهمت ذابوا الرعيان فالساسه=وان ناظرت صاروا العالم سواسيه
واليا مشت وقف الشارع على راسه=والارض كنها تقول شويه .. شويه
متقلده من خزاين ربي الماسه=العقل والذوق والروح الجنوبيه
لها بقلبي ينابيعه ومغراسه=ولي في هدبها قصص واحلام ورديه
اكرههّا واحّبها والنفس حساسه=ازيّن النيه او اشين النيه
مجنونتي قبل رجوي يقتله ياسه=ظميني من الكويت اليا السعوديه
ليبكي الوقت مما يعملوا.. ناسه=ول.. يضحكون الحشرات البشريه

اعذروني على الاخطاء ان وجدت