اقتباس:
|
المشاركة الأصلية كتبت بواسطة سالم بن جخير
البارحه فنتظارك واحسبنك عجل = واثرك تلذذ بتعذيبي وانا مستميت
يعني تغلا علي والا غرور وجهل = والا مثل كل مره ياحبيبي نسيت
تخطي علي واتحمل منك مابغى الزلل = ولاقلت لك لاتمادى قلت لي مادريت
من قبل اعرفك وانا فيني مواري عقل = والحين مالي رفيق الا السهر والبكيت
سرقتني واعرفك ماتسرق الا جمل = وسرقتك هاذي خبر عاجل وله مانشيت
لبى تغليك يالغالي ولبى الخجل = انا اشهد اني معك ياغايتي رحت تيت
لبيه ياوجهك السمح البشوش القبل = في مثل حسنك فلا سمعت ولا رأيت
سبحان ربٍ عطاك الزين عز وجل = في سوق يامرحبا بالزين بعت وشريت
حبك بقلبي مبني له بيوت وفلل = وان كان مانته مصدق عدها بيت بيت
وصلت لقصاي من حبك وقدني ثمل = رويت حتى الثماله منك ولا ارتويت
يالمشتري شوف حبك في حنايا زحل = رضيت يالمشتري والا بعد مارضيت
ياويش جاب الزعل ياويش جاب الزعل = تعال واعلمك بالسالفه كيت كيت
ان جيت راعي محل وان غبت راعي محل = يعني محلك محلك غبت والا لفيت
اسمع ترى خير ماقد قيل قل ودل = وان جيتني كمبليت استقبلك كمبليت
انا أعترف مااحب اقول شعر الغزل = لكن غنيت بيت وجاتني بيت بيت
سالم بن جخير
|
مرور أول ياوكيل الجزاله
ولي عوده ياشاعر الخليج
لبا كبدك