ياهيه ياللـي زهـاك الـدل منـي سـلام=تسليم روحي لروحك من صميـم الضميـر
ذبحتني باالغنـج والحقـت روحـي مـلام=خليتنـي لاتفـه العربـان كنـي غـريـر
اليا نشدني كثير النـاس مااقـوى الكـلام=اسكت ولا اجاوب السايل ووضعي خطيـر
أسكت واعاني من الدمعـه وحـر السقـام=ياكثر ماهلت العبره مـن أقصـى النظيـر
قتلتنـي باالعيـون وخـدتـك والـوشـام=واللبه اللي تكاشـف لمسهـا كـا الحريـر
ومبيسم(ن)يذبـح العشـاق تحـت اللثـام=مع شفة(ن)كل زين البيض فيهـا خشيـر
والهرجه اللي تسل الـروح مثـل الهيـام=تضرب على أوتار قلبـي باالكـلام المثيـر
ودعتك الله نهـار السبـت مسـك الختـام=بااللحظه اللـي تغانمهـا عشيـر وعشيـر
واقفيت عني وانـا بقيـت مجمـع حطـام=تلفني ساعـة الفرقـاء ونسمـة عصيـر
الله يسامحـك جازيـت الغـلا والـغـرام=باالصده اللي دموع الطرف منهـا غزيـز
جاوبت صوت الحزين وصوت ورق الحمام=وافرك يدين الشقاء واصبر على اللي يصير
صح لسانك ملاييييييييييييييين رائع كما عهدناك حاولت افضل بيت على الأخر ولم استطع الى ذلك سبيل
لذالك نقلت القصيده كامله لأعجابي الشديد بها