هذا شاعر هاضت قريحته من الوضع اللى حدث والتغير المفاجى
فى حياة اهل الباديه وتمرد المراه على العادات تحت ستار اليمقراطيه
مشكلتنا يارياجيل عملاقه=كنت فى وقتن مضا ماتوقعها
يوم هاك القل والفقر والفاقه=ماتغير طابع الامه وطابعها
يارجال حقوقنا راحت سراقه=الدمقراطىخذاها وضيعها
يوم خطط للقوانين باوراقه=وحط قانون المره وحطنا معها
عقب ماهى قبل تمشى على الساقه=صارت اول والرياجيل تتبعها
لين صارت جامعيه وسواقه=وانكرت على التقاليد بربعها
وجنبت عن شرعة الله وميثاقه=وحذفت عباتها هى وبرقعها
واصبحت تطلب على حقوقها لحاقه=حقها بالشرع ماهو بمقنعها
والله اللى حلف فيه ماباقه= يالحقوق اللى خذت ماترجعها
رب تجعل راية العز خفاقه=بالبلاد اللى عن الشر تردعها
كان مالله رد للدين بشراقه=ضاعت امة سيد الخلق بجمعها
المرحوم محمد المريخى