هذه القصيد ه قالها الشاعر /ابراهيم بن زيد المزيد بعنوان النميمه
وان شاء الله ان تنال اعجابكم.
ويقول فيها :
لقيت الناس مامنهم سلامه****لزوم يلحقك منهم ملامه
ولاتحسب حلالك لو تبيده****يبي يحماك من هرج الفدامه
بذرت الجود في من لاجزاني****سوى ذم الاهبت ولاملامه
حقود القلب نقال الوشايا****هذور مهنته نقل النمامه
الامنه طرى له ماطرى له****تكلم مايثمن وش كلامه
يقول يزعم انه مازح به****وهو ينقض ويفتل في عدامه
دخيل الله من خطو السملق****الاباليهذوان اطلق لجامه
الاليت ربي يوم سوى****عبيده حط لطيب علامه
على شان الذي بالناس جاهل****عبيده يعرف الحر من برق الجهامه
لاجل في الناس شيطان ملبس****ولو لوي على راسه عمامه
يغرك بالسلام والتحفي ****وهوشيح وجثجاث طمامه
مثل هذا نحذر منه جدا **** ولا تدني مقامك من مقامه
وبعض الناس في ممشاه رافض **** يختل الناس في قل اهتمامه
يحني لحيته كنه مطوع **** ولا يفر حلاله من حرامه
حذراك لاتحطه لك ظنينه****ترى ذاك الطمع منه السلامه
وبعض الناس يبدي لك النصيحه**** ولكن ماتعرفه وش مرامه
وهو مامقصده نصح ولكن****يبي يلبسك للحاجه خطامه
والامنه قضى بك مايريده **** اخذ سدك وضربك المهامه
وبغض الناس يوريك المحبه**** وارق من البريسم في تمامه
الاقام يتمــــــسكن بالتلفظ ****تقول اطهر واصح من الحمامه
وبعض الناس محمود السجايا****رقا العليا بعزمه والتزامه
الامنه بدى لك فيه لازم **** قضى لازمك ماثمن حطامه
كما انه وافي في كل خصله****عريب الجد خاله من عمامه
اسال الله يرفع كل خير **** عن الخذلان لايهفي مقامه
قضى نظمي ومالاق بضميري **** حلاة القيل مبداته ختامه
اقول الناس مشكاهم على الله**** لزوم يلحقك منهم ملامه
وسلامــــــــــــــــــــــــــــــــــــــــتكم