السلام عليكم ورحمة الله وبركاته
بويتات متواضعة ارجوا ان تعجبكم
لبا العيون السود لبا الدلالي=لبا هدبها والرموش الظليلة
يابو الدلع والذوق نبع الجمالي=محلا شعاع الشمس تحت الجديلة
البارحة مامسيت والليل طالي=احترت في ذيك الخصال الجميلة
هذي غرام الروح كلي ومالي=اشارة اصبعها تهز القبيلة
لافرعت زلزال هد الجبالي=ولاسلهمت بالطرف ضاع الدليلة
له غرتٍ تبلج سواد الليالي=وله مبسمٍ يشفي النفوس العليلة
تبارك الرحمن رب الجلالي=تعجز نساء الكون تنجب مثيلة
قال القمر يازين اجلس بدالي=وخلى حبيبي يبادله كل ليلة
اليا ازهمتني جيتها ارمي عقالي=لبيه انا افدا ذالعيون الكحيلة
اخت الرجال اللي لها الطيب فالي=كسابة العليا ورمز الفضيلة
من لابةٍ فالضيق ترقى المعالي=اهل القنازع والسيوف الصقيلة
وسلامتكم