السلام عليكم ورحمة الله وبركاته
هذي قصيده لشاعره المبدعه الراسيه واهديها لكل خواتي في المنتدى
لاترخصين النفس يابنت تكفين
بعض البشر مايستحق الموده
يلعب على كل العذارى بحبلين
ولدرك الاسفل يالعزيزه مرده
يجهل اصول العرف والشرع والدين
ضد المبادي والتقاليد ضده
متمرسن في مهنته قد له سنين
يشدكم له والطواري تشده
مصيونتن عنه جميع الفناجيل
وتنشل يمنن في المجالس تمده
لاتامنين الي مواريه وجهين
جعل الليالي السود عنك تلده
النيه القشره لها الف تخمين
وبعض النويا المشكله ماتسده
وده يحقق رغبته بالملاين
وكوني على صد الخطر مستعده
ياغاليه ضرب الهوى للمساكين
والمصلحه بامر الهوى يبل المخده
كل العصور السالفه والمحبين
راحوا مع مراح جدك وجده
صوني الكرامه واعتلي بالموازين
ولابد من ميلات بقعى تكده
لاتخلطين الماي يابنت بالطين
الفرق واضح بين عدك وعده
انتي ذهب يابنت في العسر واللين
والله يعين الي غدا فيه مده