ارجو ان تعجبكم
وتحوز على رضاكم
ودرى انة مهوب وقتها لان الوقت هذا وقت الربطة لاكن الشى الحلو ينقال فى كل وقت
وجدي على شوف أشقر الريش لاهد=
عوق الخريش اللي يشوقك بهده=
نـادرحـرار لا أطلع الصيد ماصـد =
كـنه اسنافي تزهـمه عند شده=
ومـا كنه الا شيـخ قـوم ليالـد=
قاموا هل المجلس يسألـون وده =
ما قد خبرت انـه عـن الشارده رد =
تلاب لـو تزبن على الشمـس رده =
لـه عاتـق ومفرع ولا خلق له نـد =
أفجـح تحقرالوكـر مـن كبر يـده=
وافي عريض كتوف ساقه كما الـود =
مـعـزل كـنـه يتنفـذ لـهـده =
الخرب لا شافه قبض الأرض منحد=
هـوى عليـه تقول ذبـاح جـده =
ياحي نقله وقـنـصـان على الحد=
حبر أثرهـا فـي المفالـي مجــده =
من كثرهن لا شفتهن تخـطي الـعد=
في صحصح راوي من السيل خده =
هو منوة اللي لاعتـزى حـزة الجد =
قامت تراجـف باللقا عضود نـده =
يشـبه لسلطان العطا راهـي المـد =
شـــيخ الشيوخ اللي نماري بمده=