اقتباس:
|
المشاركة الأصلية كتبت بواسطة محمد فهد العرجاني
الله يصبحكم بالخير والعافيه
قصيده جديده وبويتات متواضعه.....
صلو على النبي,,,,,,,,,,,,,,,,,,,,,,,,
لايومي بيوم ٍ ولا ليلي بليل= ولا السـّعد مقبل ولا الهم زايل
ماغير ازم هموم واحط واشيل=ولاراح منها هم جاله بدايل
تدرون يالعربان وشهي البهاذيل=فرقى وليف وحظ مامن صمايل
الوصل نعمه والمفارق غرابيل=ياحظ ليتك تعتدل ماتمايل
لامن بغيت اعدّلك ترجع تميل= كنـّك تقول اعيش واموت مايل
والمهرة اللي ماتعيـّن مع الخيل=من دونها تقصر جميع الأصايل
من دونها ضاعت عقول الحلاحيل=وتضاربت فيها سلوم القبايل
ياشيب عيني يوم قفّت وانا اخيل= دموعها وبلٍ على الخد سايل
وانا اتصبـّر وازهم العقل والحيل= والقلب يشكي للضلوع النحايل
اصبر مثل صبر الرجال المشاكيل=واخبـّي جروح الزمن واتحايل
لن الردي والهيس وخبل الرجاجيل=تفرح لا وراني الزمان الهوايل
وانا اترفع واترك القال والقيل=واجبر عزى قلبٍ على الموت آيل
أشب نار الشوق وارهي المعاميل=واريـّح اعصابي ببدع المثايل
ولاّ الغلا ماعاد يحتاج تفصيل=لنـّه موريني نجوم القوايل
ياللي غيابك حط بالقلب تنكيل=ويلي على قربك ولاني بطايل
لاغاب صوتك ماتفيد المراسيل=وفر على الجوال كثر الرسايل
والله لو تاخذ لدمي تحاليل= تلقاك بالجينات صايل وجايل
حبك تعدى حب الاكراد لأربيل= الاّ تعدى حب شمر لحايل
صبيت حبك مثل صب الفناجيل= وين الجليله تشرب اشواق وايل
وانته تواعدني من اسهيل لسهيل=والشوق في قلبي مسوي عمايل
ليتك تبادلني الغلا والمواصيل=وترد لي بعض الوفا والجمايل
تعبت من قولة ظروف وعراقيل=وتعبت من قولة ياقل الوسايل
لاقلت انا احبك ومشتاق بالحيل=تقول لي جعل العوض فالموبايل
يعني انا وياك مثل المهابيل= واشباهنا فالوقت هذا قلايل
كذاب من قال المحبه تساهيل= راحو ضحيتها عيال الحمايل
وسوالم |
الشاعر العلم محمد فهد آل قنيبر
أررررررررررررررررررحب يااا الجزل أرررررررررررررحب
بيض الله وجهك واااافي وااافي
قصيده جزله من راااس شااااعر يااابوفهد
صح الله لسااانك
متااابعتي
ودعتك الله يالقرم