اقتباس:
|
المشاركة الأصلية كتبت بواسطة محمد بن بريمان
السلام عليكم ورحمة الله وبركاته,,,,
هذه القصيده كتبتها في واحد يفاخر بفعل قبيلته علينا
ورديت عليه ثم كتبت هذه القصيده,,,,
اتمنى تنال على اعجابكم وعلى وذائقتكم العاليه
اقول,,,,,
ياصاحبي أحفظ لسانك عن الميل"="أحشم شعر وجهك عسا مالك أخلاف
لاتحسبنك فوق كل الرياجيل"="مابه ذكر بين ولافعل ينشاف
غرورك ابنفسك على ويش ياحليل"="منت بولد فيصل ابن فهد نواف
القلب صاجن قاعته كنها الليل"="عن الكلام الذرب غطاه بلحاف
من شان عينن عندنا ندمح إل جيل"="كفيتها والا الشياطين وقاف
وش عاد لوزادت علينا الاباطيل"="ماحررت بغداد أكاذيب صحاف
زيف على كيفك وجر المواويل"="ماتهزلي شعره ولاتهز الاطراف
إكان تجهل بي أبا اعطيك تفصيل"="عن كلمتن في خاطري ترجف أرجاف
من صلب يامن لعتلينا على الخيل"="من فعلنا روسن تطاير من أكتاف
فينا نشاما للملاقا حلاحيل"="تشفق على شوف الرجاجيل حذاف
دخيلنا نشتال عنه المثاقيل"="مشيأت المعبود يمشي ولايخاف
والظيف لاجانا ذبحناله الحيل"="أسلومنا ماراحت أرباع وأنصاف
خوينا ندمح خماله ولاأنعيل"="والطيب نجمن في سما الليل كشاف
نرقا ولانمشي على جرة السيل"="ياتي لنا في عالي الرجم مشراف
المرجله تحتاج حيل ومحاصيل"="تجني ثمرها مع عيالك والاسلاف
مثل الذهب راسي وثابت على الكيل"="هي عملتن يحتاجهاكل صراف
لاصار مابه فعل بين المشاكيل"="وش خانت الدنيا بلا ذكر تنعاف
وين الرجال الي لهم يطرب القيل"="الي لهم في قاسي الوقت ميقاف
ملايدسم شاربه فالمقابيل"="راحت حياته بين هايف ومهياف
(وسلامــــــــــــــــــــــــــــــــتكم) |
صح السانك يابن بريمان يعجز اللساااااان عن التعبير في هذه القصيده
كتبت فأبدعت :وسطرت فأجبرت كل القلوب على المتابعه الجبريه لهذه المتألقه
تقبل تحيات متابعك
اخوك :حمود بن فطيس