الشاعر سعيد الحمالي القحطاني , شاعر معروف من عبيده من قحطان , وهو يرد على قحطاني يسب قبيلة يام ولايوجد بينهم في المجلس اي شخص يامي فقام ورد عليه الشاعر سعيد الحمال بذذالقصيدة .
إسمع إسمع.... إسمع إسمع ... لا رحم رأس الهداني = وإخذ مني كلمتينٍ تقصر طوال الكلام
لوّ ما ربي خلقني من عبيده وقحطاني = كان ما يرضي غروري غير أجي من " صلب يام "
ولا أهضم قدر القبايل شام والا من يماني = ما خبرنا في العرب رجلٍ وله لابة يضام
ولاتحسب اني بجامل في عريبين المجاني = الكريم يفور دمه لا سمع سب الكرام
وإن بغيت الشور هود لا يجي في العلم ثاني = ما يعذرب في القبايل غير ملعون الرسام
وش تعذرب في قبيله عيبها فعل الحساني = وعيبها عوق الخصيم وسيفها يفري العظام
وش تعذرب في قبيله عيبها كبر الصواني = جودها تضرب به الأمثال في شرقٍ وشام
قلتها ردة وفاء مني وخذها من لساني = وإن كفت وإلا ترى عندي لمن يهدر خزام
ولوّ ماربي خلقني من "حماله" يالهداني = كان ما يرضي غروري غير أجي من صلب يام
وانا احيي الشاعر الذي قال كلمة الحق وعلى وضح النقاء , واقوله صححححححححح لسانك يابن قحطان