أنا في عصر الثمانين حليــت=ياللــه حسن الخاتمه والمعافـات
ياللــه طلبتك اعطنـي ما تمنيت=رفقة هل الجنه وعالــي الدرجات
ضيفني الجنـه ليامـن توفيــت=وحـل عنـي هالذنـوب الثقيــلات
يا ليـت ما جابتني امي ولا جيت=ولا عشت بالدنيا سنين طويلات
ليا ذكرت الموت باللحد حطيت=وسدوا علي بطين مع سبع لبنات
سدوا علي القبر وحدي وخليت=اقفوا وخلوني ابضحك وسجات
طالبك يا ربي ابعفو(ن) وتثبيت=عند السؤال وكل يسأل ليا مات
دربين ما عنهن محيد(ن)تحريت=ومالي عن الأثنين منهج وروحات
اما لنار(ن) دايم الدوم هفيت=نار(ن)توقد به عقارب وحيــات
ولا ليـا جنـــة نعيم(ن)تهنيـت=روحـان وريحـان مخلــد بجنـات
هذاك يوم الفوز والغبن وافيت=وافيت حورن بالقصور المنيفات
نحسب مهرن فالتمني بيـاليـت=وهن مهرن خذ من الليل ساعات
لا زال ثلث الليل كلن هجع ميت=قام يتهجد يتبع الدمع عبرات
يقول ياربـي انا اذنبت واخطيت=وانت الذي تغفر ذنوبن عظيمات
تعلم ابسري كل ما اخفيت وابديت=وارجوك عفوك من جميع الخطيات
طقيت بابـك عنـد بابـك تحريــت=تعفـي ذنـوب كالجبــال الرفيـعـات
ثم الصلاة عداد من طاف بالبيــت=على شفيع(ن)يوم الفزع والهوالات