[سعد القوي]

قليل ما اسمع عن جزيرة حوار واللي اسئله عنها يتفلسف واحد يقول لي خايسه ماتستاهل العنوه والثاني يقول ياسلام ويصفق ويدق رقبه ويقول بالمصري حتشوف اللي عمرك ماشفته >>قلت له لا يكثر ياهاله سرحان وفي الأخير اتضح لي ولا واحد منهم عنده سالفه ..

سويت بحث عن جزيرة حوار وتحمست لها ..وقلت للأهل وماصدقو وشدينا الرحال للبحرين

حوار عبارة عن أرخبيل يتكون من 14 جزيرة وهي تابعه لدولة البحرين وهذا اكثر شي لقيته



دخلنا البحرين الساعه 1 ظهرا واتجهنا لمكان الحجز الواقع في شارع الفاتح



وهنا تم الحجز لرحله ويعطونك خريطه توضيحيه لطريق

وبعدها اتجهنا الى فرضة الدور تبعد تقريبا ساعه عن مكان الحجز وركبنا في البوت (الطراد) متجهين لحوار الرحله في البحر تستغرق 45 دقيقه وكان الجو فظييع واستمتعنا فيها صراحه



وهذي صور اول ماوصلنا للمنتجع





ترى النقط من الرطوبه

عددنا 7 اشخاص اخذنا 3 غرف ولكن للاسف بايخه مررره







غيرناها واخذنا جناح

غرفه رئيسيه +غرفه بسريرين +صاله وطاوله طعام +مسبح +مطبخ










البوفيه محدد وقته ويعتبر جيد جدا ولكن هو المطعم الوحيد في الجزيرة يعني لازم تاكل
وجبة الفطور من الساعه7.30 الى 9.30
وجبة الغداء من الساعه 12.30الى3.30
وجبة العشاء من الساعه 7.30 الى 9.30

وهذي مجموعه من الصور للجزيره والفندق













هذي صوره لبلكونة الجناح من برا














ترى في محميه طبيعيه في الجزيره ..وانا شايف بام عيني غزال ولكن ماكنت معي الكاميرا ..

قضينا في المنتجع يوم وليله ..وبصراحه يعتبر منتجع عائلي 100% هادئ جدا

منتجع للعوائل المحافظه ولكن اسعاره دبل لو قارنا بينه وبين درة العرس في جده درة العروس افضل خدمات

ورجعنا من حوار تقريبا السعه 6 المغرب وكان في هوا شديد وامواج عاليه
والكابتن طاق الطبلون والحريم يصارخون بس كانت رحله ممتعه لو مايجي منها الا رحلة البوت


وفي الاخير هذي ارقامهم
+973 290377
موقعهم
www.hawarresort.com

الأسعار

في ورقه عرض اسعار الغرف موضح ان الاسعار خاضعه للتغيير دون اشعار

وفي النهايه هذا الموضوع خاص فقط بمنتدى العجمان .. اتمنى يعجبكم وتستفيدون منه

(سبحانك اللهم وبحمدك اشهد أن لا اله إلا أنت أستغفرك وأتوب إليك)