[زهير]

المشاركة الأصلية كتبت بواسطة مشل الدويش

وين أنت ياللي قطّع القلب فرقـاك=ياللـي ذبـل ورد الحيـاه بغيابـك
وين أنت ياللي كل مافـيّ يبغـاك=حتى الثرى مشتاق رشت سحابـك
دايم على بالي خيالـك و ذكـراك=لا مانسيتـك يـوم قفـت ركابـك
ماأنساك لو تبعد عن العين ماأنساك=بعدك حبيبي في عيونـي إقترابـك
ياأغلى من العالـم هـذولا وذولاك=ياللي بقلبـي مدهلـك وإنتسابـك
أشربك بعروق الغلا لين تضمـاك=وأضماك بعروق الغلا من شرابـك
يعني كذا أسّكر إليا حـل طريـاك=وأطرد ورى طيفك وأدوّر سرابـك
يا أكبر ألغاز الزمن كيف أبقـراك=عجزت لا أفهم في طلاسم كتابـك
لبـى عيونـك( لا) لبـى محيّـاك=حتـى ثيابـك إيـه لبـى ثيابـك
لبيك من راسك اليـا حـد ماطـاك=لبيك من بابـي اليـا حـد بابـك
ياصاحبي صاحبك للوصـل نـاداك=إرجـع عليـه ولاتـزوّد صوابـك
هذي يميني حطها وسـط يمنـاك=وإطلق قيـود أرواحنـا للتشابـك

صح لسانك حتى ترضى قصيده اكثر من رائعه الله لايهينك