[رسيس]

جيت اسوق الشعر يمك لاجل ابيلك غلاك
.................................................. ........مالقيت اللي يجمل حضرتك لـو كلمتيـن


كنت اظن اني ملكته لين شفتـه ماقـواك
.................................................. ........لعنبو جد القوافي لاخذلت فكـر الذهيـن


كنت اظن اني لحالي من تولع في حلاك
.................................................. ..........لين شفت الناس حولك مالها غير الونيـن


قلت اجي من كل عالي كني اللي مابغاك
.................................................. .........مالقيت إلا خضوع يكسر ضلوع السنيـن


اه ياعجز الهواوي ماملكـت إلا مسـاك
.................................................. ............اسهره وحدي واخايل جيتك في كل حين


لانخيت العين ولت تنظر لفـوق و وراك
.................................................. ..............عاجزه حتى عيوني تظهر الحب الدفيـن


البلا حتى السوالف افتقدهـا فـي لقاك
.................................................. ................ون تطورت بكلامي قمت أشـر باليديـن


السؤال اللي جرحني ليه انا خايف هواك
.................................................. ..............والجواب اللي ذبحني انك لوصلي تعين


ادري انك تهتويني لكـن الله قـد بـلاك
.................................................. ...............في حبيببً لو سألته ماجمعلـك كلمتيـن