السلام عليكم ورحمة وبركاته
اضع بين اياديكم هذه المتواضعه وعسى ان تنال اعجابكم
ليل الهوى عدى على غير مصلوح=تقطعت منه معالق كنيني
يدق رقمي وإشتياقي إلك إيفوح=وإيصد رقمك وانت تسمع رنيني
واش فيك ماانت ترد ياأغلامن الروح=الظاهر إنك سامح ماتبيني
ازعجت نفسي بإلتناهيت والنوح=وآشوف ماكنه يهمك حنيني
آلج لك بإلصوت وآطل وآزوح=وأرجع وآقوم آقول يمكن تجيني
وآنوح لك ماناح ورق على دوح=وآعدي المشراف وارجع كويني
مجروح انا بإلحيل مجروح مجروح=وكنك رضيت إلهاإلزمن يتليني
فترى الهوى فرض على كل طحطوح=من عصر قيس وعنتر الأوليني
ستة عشر عام وانا منك مذبوح=وادري إنك ماقصرت يازين فيني
فمسموح في ماصار يازين مسموح=نسيتني نسي العرب للدفيني
الميت إللي في اللحد صارمطروح=والافأنا حي يصحي ونيني
ماكنه جاء من بيننا ود ومزوح=ولاتشاكينا جروح السنيني
ولاسهرنا لين يبدي لنا الضوح=ولاارتوينا والعرب نايميني
ولاتبادلنا من الود قرطوح=وكلمة غلا تشفي الوجيع الحزيني
آقول لك مااخفيت يازين وتبوح=إتبوح لي بإللي حواه الكنيني
فإن رحت والله ماانثني عقب ماآروح=معزة من خالق الكون فيني
فإن طعتني عود علي قبل لاآروح=لاآروح وآقول إن قدرت الحقيني