الا يــا بهـجـة الخـاطـر .. سـلامـات .. وخـطـاك الـسـو ..=تريّح واسترح .. فأقصى الخفوق .. وحرّك غصونـه..
يمـر الوقـت ..ويــدور الـزمـان .. وصاحـبـك هــو هــو ..=على عهد الغلا .. يدرَى على معناه .. ويصونه ..
يفـكـر فـيـك .. ويــداري علـيـك وبـيـن .. لـيـت و لــو ..=تحـن .. وتـرزم ..ضلوعـه عليـك .. وتبكـي عيـونـه ..
عـرفـتـك مـــن زمـــان .. ولا بـلـيـت بـحـبــك الاّ تــــو ..=لو اني مـا عرفتـك .. مـا عرفـت الحـب وشلونـه ..
ذبحنـي حبّـك .. وسكـرة غــلاك (إ)مخششتـنـي جــو ..=على شفّي .. وكل ٍ جمرته في راس غليونه ..
اسـج الرجـل .. وإن قالـوا هـل البـيـت المـطـرّف جــو ..=صفق قلبي على حدب الضلوع .. وباح مكنونه ..
علـيّـه بالـحـرام إن كــن مــن بـيــن المـحـانـي ضـــو ..=الآحي الورق .. واغني معـه .. والحّـن إلحونـه ..
عـلـى بــدر ٍ سحـرنـي نــوره .. وبيـنـي وبيـنـه نـــو ..=طموحاتي وراه .. وتقصر الهقوات من دونـه ...
الا يـا مهجـتـي .. مــا عــاد فيـهـا يمتـكـن والاّ ( أو ) ..=ملكت الروح .. يا عمري .. ومعك الروح مرهونه ..
تمخطـر يـا نـظـر عيـنـي .. ونـفّـذ مــا تـريـد .. وسَــو ..=فداك .. ولا عليك مـن الكـلام اللـي يقولونـه ..
،
،
،
الشاعر/غالب الشريف