[الجنازه]

ياجميلـةْ خَـدّْ مـن نـوره يبيـن=نور خـدّك قولـي الله يحرسـه
وذا القـوام اللّـي يهيـم العاشقـيـن=وذا الشّفـاه اللّـي كأنـه مورّسـه
لاعدمـت الزّيـن يـاذاك الجبيـن=مَاارْوعَـه فيـه وبهـاه وملمسـه .
بس أنـا طالبـك لا . . لا تفتريـن=خلـيّ التّـاريـخ لـلّـي يـدرسـه .
الكرم والجود وأهلـه واضحيـن=فـي يميـن أهـل المكـارم مقبسـه .
لاتقـولـين حـاتـم بــذاك القطـيـن=حايـز(ن) للطيـب .. بْذَبْحَـهْ لفـرسـه .
ولا تقولـين ماعِِقِِـبْ طيـبـه يبـيـن=لاكرم لاجود حَكْيِـكْ هلوسـه .!
( حاتـم الطائـي ) ولّـى مـن سنيـن=مانذمّـه ولابعـدنـا نقـدّسـه
والكـرم بـاقـي بـذربـات اليمـيـن=في جبين أهل النّـدى لـه مَتْرِسَـه
الكـرم والجـود أهلـه غارسيـن=بمن بَعَدْهم ومن بَعَدْهم يغرسـه
طيـب شمّـر نـاف كـل الطيبـيـن=ماحَـدِ(ن) منهـم تنحّـى وأَيّسـه
طيب شمّـر ..( جـود ).. كـل العارفيـن=طيب شمّر .. مايدَسْـدَسْ .. دَسْدِسَـه
طيـب شمّـر مايـوازن بـه موازيـن=من يحـاول فتـح فمّـه يخرسـه
طيب شمّر من قرون ومـن سنيـن=ورث جِدّ(ن) ..عن جدود(ن) .. تحرسه
طيب شمّر بالمكارم (جـودديـن )=من عصور(ن) بالكـرم متمرّسـه .
طيـب شـمّـر مايـحـدّ العاجـزيـن=ماحد(ن) حاد وتردّى وِبْخَسه . .
طيـب شمّـر أسّسـوه الأوّلـيـن=يوم قال ( لحيسة(ن) لك .. وِلْحَسَـه )
طيـب شمّـر ..( للجـوار ).. مجاوريـن=مابـه كذب .. ونفـاق ..ودنفـسـه
طيب شمّـر . .( للخـوي . . متناقليـن )=ماتركـوه وللسّبـاع .. وتفـرسـه
طيب شمّر ..( خُـوذَهْ ) ..ووش تكسبيـن=جود يمنىً .. فـي يمينـه .. مَعْرِسَـه . .
طيب شمّر . . جـود ( تقليـط السّميـن )=طيب شمّـر .. ماحـدى لـه محبسـه . .
طيب شمّـر . .( يـوم للذيـب الونيـن )=ضيّفه .. ماكِـدْ .. تَرَكْـه .. وأفلسـه . .
طيـب شمّـر . . خلـق ربـي شاهديـن=( إن شمّـر . . بالمكـارِمُ . . مدرسـه )
طيب شمّر..( طيب عقل )..( وطيب دين )=ولو يقاس العقل .. عسـر(ن) مَقْيِسَـهْ . .
وطيب شمّر . . بالوطـى . . مالـه موازيـن=من عهد ( حاتم ) يوم ذبــح فرسـه

وشكـــــراً لكمـ

أخوكم ،، الجنـــــــــــازٍه