هزتني الذكرى على ليل الأحبـاب=هزتني الذكرى وأنا أقـول ناسـي
كنت أحسبن الدمع تخفيه الأهـداب=ماكنت أحسب إفراقها حيل قاسـي
من عام أمني النفس في حلم كذاب=وأقول ياحلـم السفـن بالمراسـي
غابت وأقول أن القمر زيها غـاب=في ليلة ٍ غطى الظـلام الرواسـي
تلاشت الهقوه وظني بعـد خـاب=والوقت فوق الحلم والشوق داسـي
وياشوق أنا منك من العام منصاب=عيّشتني بجروح حـزن ومآسـي
خلاص أنا سكرت بغيابك أبـواب=لاتشيل لي سيفك ولا اشيل فاسـي
وش عاد لو قلبي من الحب لك ذاب=لاهان لاشعري ولاهـان راسـي