السلام عليكم ورحمة الله وبركاته
أبيـات لعل تحوز على بعض من رضاكم ..."
لاناموا العربان أجاوب مع الذيب = وأقول حتى الذيب فالحب ثاير
راحت ثلاث سنين مابه مكاتيب = مدري نسانا أو معه ويش صاير
كانه تناسى الحب سيد الرعابيب = ياأهل الخساير وش بقى للخساير
ماتنفع الشكوى ولاشقة الجيب = ذي حالة اهل الحب والحب جاير
وأن طالت الغيبة ماجاني مناديب = ياويل من دارت علية الدواير
حاله تردي وأبتدى براسه الشيب = ويجاوب الورقي مع كل طاير
لاتصد عني ياهوى البال وتغيب = وأنا على شوفك أسوق البشاير
وسـلامتكم
شافي بن راشد الخويطري