هذي قصيده معبره وانشاء الله تنال اعجابكم 00
يالله يامنشي السحاب المراويح = يامنزل منها المطر وانت قادر
ياشافي غل القلوب المجاريح = ياواقي العثره وللكسر جابر
تحمي وطنا من شرور التماسيح = سماعه افكار السفيه المهاجر
اللي تميلهم حبال المراجيح = الراي والتفكير والعقل قاصر
المسلمين مقومين التراويح = والساذجين ينفذون المجازر
في شعبهم في دارهم يامفاليح = ماهوب ظلم ومن يسويه فاجر
وش ذنب طفل ٍ توه يقوم ويطيح = يحلم بباكر بس ماشاف باكر
وش ذنب عودٍ يقضي الوقت تسبيح = في روضه المسجد لياالفجر ساهر
وش ذنب عذراً تلطم الخد وتصيح = مما بها لاكن لها الله ناصر
يالضالمين الضالعين المدابيح = من فعلكم يسخر بنا كل كافر
وش مصلحتكم لاتقولون تصليح = وانتم وصل تفجيركم للمشاعر
الامر واضح مايبي زود توضيح =الدين وافكار التطرف تنافر
واليوم حنا صف وان هبت الريح = ومن شد عن صف الجماعه محاصر
تبقين ياداري صراحه وتلميح = للدين والامن الحقيقي مفاخر
في ظل ابو فيصل بعيد المطاميح = وعيال اخو نوره سباع المحاصر
وسلامتكم
للشاعر / فراج العتيبي