مدح الرجال واجب
وال عرجاء ناس عزيزين علي
وماعلى الربع قصور ..
عندي سلام وخاطري اليوم اذيعه .... لأولاد عارج بلغوهم تحيّه
هم محزمي ساعة ضياع الوسيعه .... وهم عصبتي لا ثار بارود هيّه
وجدانهم تنهج بنهج الشريعه .... وصبيانهم مثل الرماح المديّه
ابشر بنوماس(ن) وفزعه سريعه .... وابشر بخوة عز والنار حيّه
المرجله والعز فيهم طبيعه .... وذكر الأكارم صار لزم(ن) عليّه
وتاريخهم مثل السدود المنيعه .... وافعالهم مثل الجبال الرسيّه
واليا طروا اهل النفوس الرفيعه .... من دون مااشعر قمت ادق التحيّه
وحريبهم ماقد تهنى بربيعه .... انقلبت العيشه وصارت شقيه
وان مامدحت ربعي ماهي طبيعه .... لا خير في شعري ولا خير فيّه
حنا بني يام(ن) حفظنا الوديعه .... شيوخ من اول وفي الوقت ذيّه
ومنهو نوانا كود شلفا شنيعه .... في كبد راعيها وفينا حميّه
ومن باعنا في رخص يمكن نبيعه .... ومنهو شرانا جاته الشاذليّه
عندي سلام وخاطري اليوم اذيعه .... لأولاد عارج بلغوهم تحيّه
وسلامتكم ... وسامحونا على القصور