اقتباس:
|
المشاركة الأصلية كتبت بواسطة الإعصار
ابشر بردن يدخل العقل ويجيه=ردن عجيب وكل شاعر تمناه
بعض العرب ماودك انك تجاريه=وبيتك عجبني واخذ مني مجاراه
بعض العرب ياخذ بسرك ويعطيه=وبعض العرب للسر ماتلحق اقصاه
بعض العرب بالخط محدن يخاويه=وبعض العرب فالخط محلى مخاواه
بعض العرب محدن درى وش مغازيه=وبعض العرب له جاه ويقدر الجاه
بعض العرب ربعه ترى مادانيه=وبعض العرب ربعه تحبه وتبغاه
بعض العرب للجار مهنته يذيه=وبعض العرب مايذي الجار لاجاه
بعض العرب لامات محدن يعزيه=وبعض العرب لامات مامات ذكراه
بعض العرب لامد وراك يديه=وبعض العرب يعطي ويستر عطاياه
بعض العرب عالكبد يرمي بلاويه=وبعض العرب لاجا على الجرح يبراه
بعض العرب يفرحبه الي يعاديه=وبعض العرب صعبن وشرن على اعداه
وختامها شطرن لبندر وانا ابغيه=لانه عجبني بيت بندر ومعناه
احدن يدور ستر عذرى عوانيه=واحدن في بنت العم يبحث لمشهاه
وسلامتك واسمحلي كثرت البيوت وانت محدد بيتين بس اعجبتني الفكره
مع تحيات/ الاعصار
|
ياماحلا ردك على اللي تجاريه ***** واهلاً هلا بالاعصار ارخ امجاراه
مقبولة على طولها ومعانيها ومشكور ياغالي ... وإن شاء الله يتم اضافتها للمجموعة ...