عديت في مرقب والليـل ممسينـي
بديار غرب( لعل) السيـل مـا جاهـا
اضحك مع اللي ضحك والهم طاويني
طية شنون الطلب لا سربـوا ماهـا
(وراك) ما تزعجين الدمـع ياعينـي
على هنوف جديد اللبـس يزهاهـا
هبت هبوب شمال وبردهـا شينـي
ما تدفي النار لـو حنـا ( شعلناهـا )
ما يدفي الا حشا مريوشـة العينـي
والي (عطشنا) شربنـا مـن ثناياهـا
ابو عيـون الـى سلهـم تناجينـي
يا قرد عين المشقا كيـف يقواهـا
ياشبه وضحى فتـاة دلهـا زينـي
داجت على عقلة والورد مـا جاهـا
(يا عل) من شار بالفرقى عمى العيني
مخباط صمعا جليل الفخذ يشظاهـا
جعله حسير كسير وراكبـه دينـي
واتلى حلالـه ذلـول راح يطلاهـا
اخوي العماني الكلمات اللي بين القوسين ليس لهجة العجمان مثل (لعل) العجمي يقول ياجعل (وراك) العجمي يقول وشبلاش (شعلناها ) العجمي يقول شبيناها (عطشنا) العجمي يقول ضمينا (ياعل) العجمي يقول يا جعل وهذه ملاحطاتي تحياتي يا العماني 