[الــحـشـاشـــه]

هذي قصيده لشاعر مجهول كان يحب بنت معه في الجامعه

وشافهاا صدفه في احد المختبرات اللي في الجامعه وراح لهاا


ويقول في قصيدته :




شفتها يا سعود صدفه بعد ما غابت سنين = عند قسم المختبـر وسط مستشفى الجامعـه

جيتها ثم قلت ممكن في سؤالي تسمحيـن = ناظـرت فينـي بدهشه نظرة متواضعـه

قالت انته تـحسبني من بنات صايعيـن = تـحسبني في زماني عن طريقي ضايعـه

قلت انا ماراح اطـول كلبوها كلمتيـن = وابعـدت عني شويه ثم جتنـي راجعـه

قالت اسال واضح انك من رجال طيبيـن = بس هرجك يالسنـافي كان وشهو دافعـه

قلت انا حبيت وحده يـوم كنا صغيـرين = ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن = ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن = واذكر انه لاجـرينا كـن شعـره تابعـه

واذكر انـه عاشـق فـالورد الياسميـن = صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن = وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن = كـررتـها مـره و مرتـيــن ورابعـــه

قلت وشفيك وشبـلاك يابنيه ترجفيـن = ليش عينك يابنيـه من كلامـي دامعـه

قالت الموقف وقلبـي والمحبـه والحنيـن = كيف اشوفك بعد ماكنـت عنك قانعـه

قلت انا بسألك انكانك انتـي تذكـرين = عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن = بيعونـي غصب حبك لو هو ماني بايعـه

انا في دنياي حالي كنهـا حال السجيـن = حتـى لو فكـوا سراحه فيه شي مانعـه

زوجوني غصب واحد وحرموني حاجتيـن = السعاده فـي زمانـي والحيـاه الرائعـه

والحين انا ام لثلاثه عندي ريـم وياسميـن = والولد ا سمه على اسمك والمشاعـر جايعـه




وسلامتــــكم


منـــقوله