اقتباس:
|
المشاركة الأصلية كتبت بواسطة كـاسب الطـيب
بعض العرب محبوب ودك اتخاويه.... وبعض العرب ماودك الا ابفرقاه
وبعض العرب ودك تسمًع حكاويه.... والاً بعضهم يزعجك كثرة احكاه
هذي بيتين لأخوي البرنس وطلب احد يجاريها
وانا نظمت قصيده خفيفه وتعتبر مجاراه لها ولو انها اكثر من بيتين  بس الفكره عاجبتني
بعض العرب حكيه يفسر معانيه .... وبعض العرب عاقل ومعروف معناه
وبعض العرب للجود جايب حراويه .... وبعض العرب مايعرف الجود مبناه
وبعض العرب خايب ولاني بدانيه .... وبعض العرب طيب ومعروف مجناه
القلب حاير كيف يمكن اداويه .... محتار بالخوّه ولا عين ادواه
بعض العرب خلى خويّه يباريه .... وقت الشدايد فز له يوم ينصاه
وبعض العرب ما ودك انك تطرّيه .... يومه شجاع وعدّ فعله وغنّاه
وبعض العرب يكسب مراجل بأياديه .... يوم اذكروا فعله ترى الطيب لاحاه
وبعض العرب يجمع فلوس ابمخابيه .... يومه شرا ذلّه وياشين مغزاه
يالعنبا جدّه على امه على ابيه .... من يترك اصحابه على شان مخباه
وعندي الشهم يكبر مقامه وأبدّيه .... والا الردي يذبح كما ذبحة الشاه
إحسب حساب اللي تمسك بغاليه .... وابعد عن اللي لا بغى جا من اقصاه
وبقولة المصري يادكتور يا بيه .... هذي الرجوله ياهل العرف والجاه
وسلامتكم وسلامة الجميــع .. |
صح السانك ياكاسب الطيب ... مجاراة شيقة وممتازة ومميزة ... اشكرك اخي على المجارة خفيفة الظل غزيرة المعاني ... واذا ترغب في اضافتها للمجموعة تراني حاضر وممنون ياغالي ...