اليكم هذي القصيده البسيطه ..
عطني قلم ودي انا اكتب شعوري = ابكتبه بالكرت يمكن تشوفه
بأعطيك من شعري مايرضي غروري = بس طالبك خل الدلع والتروفه
قد قلت شيء(ن) وانت ما طعت شوري = وبأقولها الحين وإحفظ وصوفه
بأهديه باغة ورد من نوع جوري = وأرقّص ابياتي ليا جيت اشوفه
انتي الذهب والقلب صاير تجوري = يحميش من غدر الليال الخطوفه
حبش مسك منصب سياسي وثوري = وديار حبي بين موصل وكوفه
بأمرّك المغرب وبأعطيك بوري = الموعد الليله وبالك تطوفه
قلبي عزم قلبك سنين وشهوري = ابد(ن) تطمّن والعزيمه امحفوفه
قلبي يدوّر راحته بالضروري = لو كان يشريها من اللي يعوفه
ابغا اشتريها كاش والدفع فوري = لجل اعتني بالقلب واضبط صفوفه
وعذالنا .... !! لحظه .. هنا حان دوري = منهو يعادينا نقطّع كفوفه
مالك شغل فيهم وأبد DONT WORRY = منهو يجارينا ترانا نحوفه
يالله تكفى كافني من شروري = وارحم عبيد(ن) عارفين الحسوفه
وســلامتـــكــم ..
مــنــــاحــي بــن فــهـــاااااد ..
ملحوظه : DONT WORRY يعني (( لا تبالي )) 