عسى ان تنال اعجابكم
يابعيد عن مدى شوفي ترى منته بعيد=عن خفوق به جيوشك حربها يدوي دوي
ينصهر منك الذهب ويسيح بخطاك الجليد=والشموع تذوب ذوب بدون نار وتنزوي
كن وجهك صبح يوم نوره يشع ويزيد=وكن ليل البارحه من فوق متنك منطوي
انت سيد للعذارى للعذارى انت سيد=ان روضو يرضون وان هم ضاقو اكويهم كوي
من يحب ويهتوي شرواك يالشكل الفريد= اشهد انه راح فيها من يحب ويهتوي
لو يوزع شرح حبك في المدراس والبريد=قفلو بامر الوزاره كل قسم تربوي
من يضمك يصبح اكثر شخص بالدنيا سعيد=خص لامن صار قلبك من غرامه محتوي
اه ياكيفي وياذوقي وياهمي الوحيد=والله راسي على رشفة فناجيلك خوي
عند بابك قمت اجر الصوت واردد واعيد=ياهل البيت المطرف وينكم ياهل الحوي
لامتى ياصاحبي ذا حالنا مابه جديد=لاني بضامي محبه منك ولاني مرتوي
من عرفتك ماعرفت ارتاح جعلك ماتصيد=كان كبدي منك محروقه وقلبي مستوي
كثر طعونك وزيد الجرح وافعل ماتريد =سو مايطري على بالك وياجعلك قوي
تدري اني لانظرتك صار عندي يوم عيد=وتدري انك لانويت تغيب توحشني اوي