[حلا_العجمان]

السلام عليكم ..

حبيت انقل لكم هالقصيدة ..

واتمنى انها تنال اعجابكم ..

يامرحباً ترحيبـة الطـش والـرش=يأم العيـون اللـي هدبهـا مراييـش
يامرحبـاً ترحيبـة مابهـا غــش =أحلى من الماء للكبـود المعاطيـش
ترحيبة الولهان مـن خاطـر هـش =في شوفتش عقب النيا والمطاريـش
ياللي لمفجوع الهوى المـوت ينعـش =حبش وبعدش مـوت مافيـه تفتيـش
ارحم محـب فـي غرامـش تبلـش =شاف العيون وشاف سود العكاريـش
وشاف الجمال اللي مع الناس يدهش =يسبي العقول ومن صعيب المناويـش
الموت في لحظة عيونه ليـا أرمـش =ولولا الرجا فيها فلا ظنـي اعيـش
يازين مامثلك يبـي لبـس رشـرش =إن كان قصدك زين ماعـاد تبغيـش
الله عطـاك وكمـلـك يالمـوحـش = يالريم ياللي مرتعك فـي النشانيـش
علـى اشقـر للخـرب مايبعدالنـش =يهوي عليه وضربتة تنثـر الريـش
وجدي عليها وجد من نطـل العفـش = وهجت ذلوله يوم غارو هل الجيـش
والطرش هج من المغيـره مخـرَش = وصاح الصياح وقيل ياهل القناطيش
وفزعوا مروية السيـوف المعطـش =وركبوا على قـب المهارالمداغيـش
لكن خلي وربعه مادروا وين هو طش=حالـوا عليهـا مبعديـن المغابيـش

الشاعر / غازي بن دغيم العتيبي

اختكم ..
حلا العجمان