أكتب حروف القصيده والشياطين بسطرها = وأرسل المرسال معه النفس والدمعه الحزينه
كيف بنت تهجر الي طول عمره ماهجرها =صابته الأحزان والفرقا وفي صدره غبينه
كنت أدعي طول ليلي إن الله يطول عمرها = يشهد الرحمن والله وتشهد أسوار المدينه
ويشهد العالم علينا ويشهد البر وبحرها= من يشوفش في جمالش تسلبينه تسلبينه
هذي الدنيا تدور وكلنا ناخذ قدرها = وأسهم(ن) قد صابت القلب الحزين برمش عينه
افتنتي والحقيقه افتنتي في شعرها = وقذلت(ن) مدليه متساويه مع حاجبينه
والعيون وساع والشفه توقد من جمرها= والثنايا مثل لولو صفته وسط الخزينه
ريح عود وريح مسك(ن) حطته بخلطة عطرها= والجسم مبري وكل من شافها جرله ونينه
اسحرتني بنضرت(ن) سبحان من قوى نضرها= لا تلمون المولع يوم ضاعت كل سنينه
كنت اسامح واتغاضى ذوقتني مر شرها = وطعنت قلبي بسيف(ن)او سكاكين(ن)سنينه
انتي يلي جاهله بعلوم دنياي وخبرها= مايوطي راس عجمي وانسي انش تقتلينه
وعلموها لابتي وقت الشدايد وش قدرها= قدرها مثل الذهب صافي وحنا صاينينه
واكتب حرف القصيده والشياطين بسطرها= وارسل المرسال معه النفس والدمعه الحزينه