اولا السلام عليكم ورحمة الله وبركاته
ثانيا: بسم الله الرحمن الرحيم
كيف حالكم يا شباب وش اخبارك عساكم طيبين انا توني جديد على المنتدى اقصد جديد بالمواضيع لاني من زمان ادخل الموقع بس ما اشارك وحبيت اني اشاركم بالي اقدر عليه وانشالله انه مواضيعي تحوز على رضا الجميع
واول مشاركه لي هي قصه وصراحه من اروع واذكى القصص الي سمعتها ولازم الواحد يركز بالقصه لانها هي مضمونها لغز وانشالله انكم تفهمونه هي طويله شوي بس ما عليه تحملوا وشوفوا النهايه,
وهذي هي القصه
كان في بنت اسمها نورة وولد اسمه عايش
نورة بنت امير القرية
وعايش ولد فقييير جدا
حبوا بعض من ايام الطفولة
وكانت ايامهم كلها لعب وحب وكان يحبها بقوووة يعني موووت
كبرت نورة وكبر عايش
واراد عايش انه يتزوجها
راح للأمير ابوها وطلب يدها !!
ابو نورة امير ومن اغنى الاغنياء
استنقد وشلون يجيه هالفلعوص ويطلب يد بنته معصي
راح طرده من المجلس وقالة اطلع برى القرية لا اسمع انك عنا وان شفتك او حسيت انك قريب من بنتي والله راح اذبحك يالواطي
هنا عايش حافظ على كرامته وهرب من القرية
بدون مايودع نورة
نورة تعبت ومرضت ومرت الايام كأنها عذاب على عايش ونورة
عايش سافر واشتغل اول مرة صياد وجمع ريال على ريال (تم تحويل العملة من القروش والدراهم للريال خخخ )
وجمع مبلغ صغير
كمل وسافر لمدينة ثانية
نورة كبرت وضاقت بها الدنيا وصارت امرأة وكثروا خطابها
ابوها طاح بمصيبة مرض
وصارت القرية في خطر
ضحت نورة وتزوجت الي خطبها وهو امييير على مستوى
وصار زوجها امير القرية بعد ما مات ابو نورة
صارت نورة زوجة الامير
عايش وفقة الله بالتجارة
وصار تاجر يضرب له حساب
عايش كبر تجارته وصار من اكبر التجار واغناه رب العالمين لين صارت ثروته اكبر من ثروة الامير واهل القرية كلهم
القرية طاحت بمصيبة واهلكتها الحروب
والفقر والمجاعه
القرية صارت فقيرة
ودارت الايام وصار اميرها زوج نورة فقييير
عايش زار القرية حن للماضي سمع اخبارها
عايش راح للأمير وعرض عليه عرض
قاله تبي اعطيك نص مالي وحلالي؟؟
الامير مايعرف عايش لاكنه كان في امس الحاجه للريال
قال الامير ايه عطني تكفا انت شفت القرية وشفت مصايبنا ومستعدين نعطيك الي تبيه بس انقذنا من الفقر
قال عايش
ابي اعطيك لغز ان قدرت تجاوبة اعطيك الي عرضته عليك
قال الامير هات
قال عايش للأمير (( القمر فوق وشلون نوره ؟؟ ))
الامير استغرب وقالة عايش معك لصلاة الفجر بعدها مراح اعطيك اي شي
رجع الامير للبيت وكان في حالة يأس
ضوء القمر وشلون ؟؟ ابيض ؟؟ شفاف اصفر ؟؟ لغز ؟؟؟ فصحى
قاطعته زوجته وسألته
وش محيرك ؟ قال انتي اذلفي (ابتعدي) تراني مني رايقلك وش يعرفك للفصحى والبلاغة
وكمل الامير يفكر وكان غرقاااااان بالتفكير
رجعت مره ثانية بعد ساعه ومكان باقي وقت وسألته
لاكنه رفض مرة ثانية
وبعد ما انتهى الوقت وللأسف الامير ماعرف جواب رجع وقبل لا يطلع جته زوجته وقالت طيب منت خسران شي قلي وش اللغز يمكن اعرفه
قال يوووه طيب يقول القمر فوق وشلون نورة ؟؟ ردت نورة وقالت والسمك بالماي وشلون عايش!!
الامير دلخ مافهم شي قال طيب انا اشوف
نورة كانت في قمة الفرحه والسعاده
وصل لعايش وقالة
انا مافهمت اللغز بس زوجتي قالت ان الجواب
السمك بالماي وشلون عايش؟؟
رد عايش وقال
هذا الي كنت ابي اسمعه من زمــــــــــــــان !!