المـوت هيـن.. البـلا وش ورا المـوت=عند الحساب؟ .. يهون سهـم المنايـا!!
باكر نمـوت و تصبـح قبورنـا بيـوت=وعقـب القصـور بضيقـات الـزوايـا!!
في جوف الارض.. و كل من حولك سكوت=و تعاقبـن بالقـبـر عــوج الحنـايـا
يـارب يـا منجـي نبيـك مـن الحـوت=ستـرك و عفـوك يـوم كشـف الخفايـا
باكر ليـا جينـا علـى داعـي الصـوت=شيبان/ و اطفـال/ و شبـاب/ و صبايـا
ندعي.. و حنـا بيـن باكـي و مبهـوت=و رحنـا لهـا ننقـاد مـثـل السبـايـا
يـا رب تهدينـي قبـل لحظـة الـفـوت=و تغفـر ذنوبـي يـا كريـم العطـايـا
اشكيـك هـم ٍ داخـل الصـدر مكبـوت=و ايـامـي الـلـي بالخطـايـا مـلايـا
ان لاذ بك مـن كـان طايـع و مبخـوت=فـي مـن يلـوذ المرتكـب للخطـايـا؟
يـا رب يـا قـادر علـى كـل طاغـوت=لا ياقـف اللـي وحـدوا بــك خـزايـا
رحمـاك لا منـا صحينـا مـن المـوت=واليـا وقفنـا عـنـد بـابـك عـرايـا
اللهم آآآآآآمين
اللهم آآآآآآمين
اللهم آآآآآآمين