يفز الها الفؤاد اللـي بـه الاشـواق مكنونـه=سواة اللولو بداخـل محـاره مايشـاف بعيـن
اذاصدفـه تلاقينـا يبـدل حـالـي سكـونـه=بثوره تشبه البركان ولا أدري تجي من ويـن
احاول قدر ماأقـدر بعينـي مانظـر عيونـه=اخاف الناس تسألني وش الاسباب في التمعين
وطبع الناس حسـاده ودرب العـذل يمشونـه=هدفهم تحدث الفرقى مجرد هدم حـب اثنيـن
لذلك بنتظر فرصـه اقـول الهـا بمضمونـه=احبك يابعد عمـري وأحلـف لـك اذا تبغيـن
مشاعر صادقه من شخص لحبك صار مجنونه=وذكرى قيس مع ليلىنكررها في عـام الفيـن
ووضع القلب يتبدل سعـاده تغسـل حزونـه=صحيح ان الهوى قسمه وانا ابغى جواب الحين
صح لسانك من اعذب ماقرأت
وفقك الله
ولا تحرمنا يالهذلي من الجززززززل
اختك البنت الجزله