السلام عليكم ورحمة الله وبركاته
تـقصيت ذكر اللي غدى القلب به مشغـول= حياتي وعمري عشتها بـس مـن شانـه
وانا خايف(ن) عقب الغلا من جفاه يطول = وطول الصبر يقتـل شبابـي وريعانـه
من البعد والفرقا مصيري معه مجهـول=كتاب العمـر لليـوم مـا بـان عنوانـه
أشوف العنى والهم فـي دنيتـي مدبـول=وصارت حياتي بعدهم مـا لهـا خانـه
محبة وليف الروح فاقت علـى المعقـول=ولا هي محبها عاشهـا افـلان وافلانـه
بوسط الحشا حب الغضي ساري المفعول = سكن وسط قلبي واحتبس وسطّ شريانـه
لعل وعسى عقب البطى ياتـي المرسـول =يجيني خبر من صاحب(ن)طال هجرانه
أشوف الحياه تضيق بي عرضها والطول = وحلـم(ن)بنيتـه طـاح وانهـد بنيانـه
حسيـبي على اللي في عذابي هوالمسـؤول =يعـذب ولا همـه معـانـات خـلانـه
صبرت وتحملت بحياتي كثيـر احمـول = وجور الزمن يضرم في القلـب نيرانـه
الا يا قمر خمسة عشر ما بدا لـك زول = تحريـت عنّـك وخافقـي زاد حرمانـه
اشوف المكان اللي زمان اول(ن)مأهول=من الناس قفر وغـادروا عنـه سكانـه
وحتى الفكر بعدى غدى تايـه(ن)مشلـول=ونفسـي علـى شوفـة محيـاه ولهانـه
عيوني سهيره والسبب غيبـةالمجمـول =اسامر نجـوم اللـي والعيـن سهرانـه
من الهم في دنياي ياحسين ويـش اقـول= صويب(ن)معذب ينتظر فزعة اخوانـه
مشيت بطريق(ن)مظلمه شفت منها الهول = ونفسي على ما فات يـا حسيـن ندمانـه
اذا مر طيفه قمت من مرقـدي مذهـول= يفز الخفوق وترتجـف جملـة اركانـه
ولا لي جدا عقبه سوى قولتي ياحـووول= وكتب القصيد وفي الهوى صغت قيفانه
علي السكران