عز الله ان الطيب زوده مضرّه = ومن لاحسب لحساب الايام غلطان
يقولها اللي منّس ٍ فيه حرّه = بين الحنايا محرقه كل ماكان
تفتّحت له كل بيبان شّره = يومه تجاهل ماخذا العلم حسبان
لو تصبح الايام كره وفرّه = اني لصحّي داخلي كل غفيان
واني لجنّب كل ريب ٍ بمرّه = لاصرت ماني بعض الاحيان فهمان
ويحرم علي ثوب العبابيل زرّه =مادام هذا تالي الطيب حقران
من قايس الدنيا تدارك مقرّه = ومن تابع الهيّن لو انعزّ ينهان
ومن طال حبله جاب حبله يجرّه = ومن صان غيره لو قسا الوقت ينصان
هذا وصلوا عد نبت ٍ ببرّه = على نبي ٍ جاهد بنشر الايمان
وسلامتكم
الشاعر/سعود ارتيبان الجوير