تقبلوا اصدق مودتي
نخيت الليل وعيون الظلام تسابق الميعاد = على غفوة ضمير(ن) في المحبه ماهو بداهل
توخيت الحذر من نظرة(ن) فيها السحر ينقاد = تلمحت الجمال ونظرتي ماجات بالساهل
عصمت القلب عن بعض الغرام المترف الوقاد =بعفوية صغير السن ولا نزوة الجاهل
تحديت الظنون وجيت لك ياحضرة الجلاد = وحسيت بذهول المضطرب في قسوة الذاهل
تصاعبت ابجديات اللغة لين اصبحت كالضاد = وكيف اكشف طلاسم رهبتك والفكر غير آهل
تلاحقني ملامات العيون وشرهة النقاد = وانوح من القهر ومن الدموع المشجنات اهل
جموح المهرة اللي ذوب الخافق بكل اعناد = لها ميدان قلبي مدهل (ن)في وسطه اتصاهل
من القيظ التحف به واتلقط من غلاه ابراد =على عد الغلا قام ايتضاما قلبي الناهل
هبوب العاصفه يومي بقلبي والدروب ابعاد =واشوف ان الامل لي جيت صوبه راح متجاهل
سكنت اكبر مساحات الغرام ولك دول وابلاد =عطيتك كل ما املك من غلاوه وانت تستاهل
تسلطن بي غلاك وجيت لك غصبا بلا ميعاد = وانا اللي كنت في درب المحبه ماني بداهل
علي السكران