طاريـك واحـداث الغـرام ومـزايـاك=وفرايـد الشـعـر الجمـيـل وسنعـهـا
معـي واحددهـا علـي جـال ذكــراك= واقضـم غضبهـا واتهجـى ورعـهـا
لـو كـان صـدك يفلـج بنـود لقـيـاك= دورتـلـك كلـمـة وقـلــت استمـعـهـا
لكـن ؟ صداتـك وهجـرك وجـفـواك=ماهيـب لـك بـس العنـاد اصطنعهـا
بعدين يامتـرف هـل الحسـن ويـاك=لا انـتـه بشاريـهـا ولا قـلـت بعـهـا
محبتـك .. جيـره وحـيـره ولــولاك=ما اغض عينـي والمدامـع وجعهـا
اسايـر الايـام .. مـن بـاب الادراك=مـــن لاتـعـلـم سـيـرتــه مانـفـعـهـا
تعال من طيشك ترى القلب ملفاك=وأقلـط علـي مشاعـري وانتزعـهـا
تعال سولـف عـن مقيلـك لمسـراك=تـراك فــي بــال الخـواطـر ومعـهـا
مـحـتـاج اغـنــي وتـأمــل مـحـيـاك=واختـار لحـروف الـغـلا وابتدعـهـا
وعلمك وش صار لـى يـوم فرقـاك=ضـرايـب الفـرقـا خـفـوقـي دفـعـهـا
ميـت مـن اشـواق الغـلا واتحـراك=سنـه ونفسـي موتـهـا مــن ولعـهـا
شفني مابين ادناك واراجع اقصاك=اجـمـع شـرايـد فكـرتـي واقتطعـهـا
اقـول فـي نفسـي ليـا حـل طـريـاك=ان كــان ماطاعـتـك الايــام طـعـهـا
انسـاك ؟ قلـي كيـف بالله ابنـسـاك=وصلك دواء نفسي وبعـدك فجعهـا
ويــلاه ياقـربـك وشـوفـك ولا مــاك=قــدام لاروحـــي تـخـالـف سنـعـهـا
لــــــــ سعد براك