(اخواني واخواتي رواد منتدى قبيله العجمان اسعد الله اوقاتكم بكل خير)
هذه مشاركتي الاولى
واتمنى ان تحوز على رضاكم
واهني اللي حياته مستقره = لافقد غالي ولا ذاق العزاري
ينقضي ليله ويومه في مسره= وترتوي عينه لما شاف الغداري
ماهو بمثلي همومه مستمره = تامر وتنهى على مثلي جباري
انتهى حيلي وقلبي باح صبره = ومانفع فيني عذول ولا مداري
وانكسر قلبي ولا حصلت جبره =عقب من بنته بهياته تماري
ليت من قد مات عاد يعيش مره = كان ما كثرت على قلبي الطواري
اشهد اني عقب ناصر في مضره = وانه جارن لي من الدنيا جواري
اول بحلوه وذلحينه بمره = والفرج بيديك يا منشي الخفاري
ارحمه يارب واجعلها مقره = جنه الفردوس خدامه جواري
انت من ينفع ومن بيديك ضره =رحمتك. والا العمل خلقك عواري
نرتجي لطفك وعفوك والمغفره= ومن لهيب النار نبغى منك ذاري
اخوكم / سالم الرزقي