السلام عليكم ورحمه الله وبركاته
هذي اول مشاركه لي في منتدى صدى المشاعر
القصيده تشرح نفسها
مخيلتٍ زبرت وانهل همالي=واروت عروقٍ عليها وسم الامحالي
من يوم لاحت عيوني نوض بارقها=انهل سيلٍ حدر من روس الاجبالي
السيل وافي وصب بتربةٍ جزله=ثم انبتت زهرها بالوان واشكالي
الزهر نادر وانا بنقي الاندر=واصف روس النوادر وانقي اجزالي
ماهي بلحيه غزل يا سامعٍ قولي=ولا قضيت حبيبٍ شاغلٍ بالي
الا رساله صريحه جيت اوجهها=وانا ادري انه اكيد اليوم يقرالي
يا هيه انا عفت دربٍ كنت ماشيبه=عفته مع كل دربٍ يغضب الوالي
وارجوك تكره معي دربٍ مشينابه=دربٍ مشيته وكان ابليس يبرالي
ياكيف انا كنت اسير بعكس مايامر=ربي وانا كل يوم النوم يهنالي
ياواحدٍ كنت احبك قبل ما ربي=يضفي علي نور هديٍ غير الحالي
واليوم حبي تغير لكن احبك=وهذا دليلي رساله وسط الامثالي
حبي لكم مثل حب لكل من يأمن=بالله ورسوله ويكره حب الانذالي
وابطلب الله يهدينا ويهديكم=ويهدي جميع البشر نسوان ورجالي
اظن يامسلم انك فاهمٍ قصدي=إمساير ابليس ما عاده بيحلالي
وعقب القرايه ابيك تشيل جوالك=تمسح جميع الصور مع رقم جوالي
ياهيه انا عفت دربٍ كنت ماشيبه=عفته مع كل دربٍ يغضب الوالي