السلام عليكم ورحمة الله وبركاته
اتمنى ان تنال اعجابكم
سرب الحمام اللي على شاطيك يابحر الخليج=جدد علي هموم بقعى والجروح الداميه
شكيت من همي عليه ووقتها شفتك تهيج=الله عليك شلون ميزت الصويب و راميه
وخلايتني احتاج لدوى النسيان والحاجه تحيج=وأثر الدوى هيج جروح بالحنايا ناميه
يلين جاشت في حشاي وحدها صوت ووليج=وشبت قناديل الغلا والذكريات الساميه
وفاح الخزاما والنفل والفل والناتج مزيج=واهديتك المضمون ياعد الكبود الضاميه
ياجادل حبك لحاله توج ابياتي بتيج=وخلى بنات الفكر تسبح في البحور الطاميه
يامن معاليقي تلبي لك مثل لبى الحجيج =ياحاكم مشاعري باطرافها المتراميه
ياجاذب لبي من ازعاج المدينه والضجيج= ارقى بلبي لاعدمتك فوق راس الزاميه
يامن نسجت الياف جوفي بالولاء الصادق نسيج =وجندت لك في داخلي كل العروق محاميه
انا معك شيخ عزيز ينثني دون الهجيج=وفي غيبتك مثل الكفيف اللي عيونه عاميه
نهايته حسبي عليك الله يابحر الخليج=سرب الحمام يجيك وينقض جروح داميه