شاعرنا غني عن التعريف وإليكم هذه الرائعه:
فز الخفوق وقلت يالله عسى خير=أثر الليالي عاد غايب قمرها
مع شوفته نشوه وفزه وتخدير=وعيون خلانٍ تعانق نظرها
يفزله قلبي كما فزت الطير=والرجل كن اللي تحتها غدرها
ياصبح عمري ياصباح التباشير=نوره ملا قلبي وروحي غمرها
عقب الفراق اللي تعدى المحاذير=يبس غصون القلب جافي دهرها
ربع بروحي عقب ماهي معاسير=سحابةٍ هلت بقلبي مطرها
واسقا بها زرعت هوانا بتقدير=غرست غرامٍ بالمحبه بذرها
ياعاذلين العين والله مخاسير=واللي درى عن حال عيني عذرها
تشوم عيني عن جميع الغنادير=وان ناظرت عيني فوادي نهرها
ياناس احبه والمحبه مقادير=هذا هوا نفسي وهذا قدرها
الحب ماله ياهل الحب تفسير=قلبين والله بالمحبه ومرها
لاجيت اصور حالت الحب تصوير=وارد عن حالي لخلي خبرها
لقيت وجدي فوق كل التعابير=كل الشعر قطره وشوقي بحرها
ياسلام على البيت الاخير
صح لسان شاعرنا دايم السيف