جديدي لمنتدى العجمـــاااااااان
صلو على النبي
الاخ والوالد والعزيز ابو شنب ..... ( عبدالهادي اليامي)
المرافق الخاص لصاحب السمو الملكي الامير / محمد بن فهد بن عبدالعزيز
امير المنطقـــه الشــرقيــه ............
رجل لم يعدمن أمثاله ســـوى القليل ( مع الاحترام )
رجل اياديه البيضاء تطـــول كل ظلام
رجل يقف رجـــوله عندما يسمعى كلمة ( تكفى ) ؟؟؟؟؟
رجل يعجز الشكر والعرفان عن ترجمة المشااااعر له
ولمواقفه معي انا شخصيا ً ............
حــاولت ان يكون للقصـيد أأأأأي دور
فكان هــذا الناتج
اتمنى ان ترتقي لقلوبكم وعقولكم
مرروها لقلوبكم النقيــه وبذايقـتكم التي لن تخــذلني
أنت ياللي علومك كل ابوها طراه=لوسكتنا حرام / ولو مدحناك ريع
أنت فوق الكلام وفوق حتى سماه=وأبجدي القصايد في فعولك يضيع
لن مبداك حكمه / وإتزان / وجراه=وأي شي(ن) تقوله مثل حسن الصنيع
جمل الله حاك ماعليك أشتباه=كل مابان نورك / شمع غيرك يميع
لو للافعال سيف وله نصاب وشباه=ماتجندل عزومك وأنت قرما شجيع
ولو نسولف بذكرك للبحر جف ماه=ويتبخر ويصبح عقب غدره وديع
ويش هضبة طويق / ووش جبال السراه=انت مافيه مثلك لو نسوم / ونبيع
لانك لاطر جيبه مستجير وفراه=جيت مثل السحاب اللي لوبله رثيع
ومن وقف عند غيرك مايحصل حراه=ومن وقف عند بابك بشره بالربيع
حاجبك طلق ولسانك معتق جماه=وشبح عينك بعيد / وطول بالك وسيع
وقلبك أطهر من اللي معتدل للصلاه=وكفك أكرم من اللي مانهر له جويع
لك مثل هيبة النازي / او أيران شاه=ولك مثل حب أبو متعب لشعبه جميع
محترف للجمايل يوم غيرك هواه=صيرميا ً بتوع / وضيغميا ً صديع
جعل من جاب مثلك يرحم الله ثواه=فطموك المراجل وأنت توك رضيع
لين قمنا نشوفك وسط كل أتجاه=كلنا قلب (شــالح) / وأنت مثل (الفديع)
نختلف فيك لكن لاختلفنا رواه=كل وأحد يحاول قد مايستطيع
والا أنا يوم اغني حافظ (ن)لي وصاه=لونشرها المحرر / ماقـراها المذيع
معتبرها حلالي وأوجبت للزكاه=راس مالي ولا لي غير مـدحك شفيــع
يازبون المجنا / والملاذ / ورجاه=ياعصى كف موسى / والذرا / والمنيع
فارقك (جل وجهه) مثل فرق الصلاه=والمدينه / ويثرب / والحرم / والبقيع
لجل ذا أستغفر الله لاشريك سواه= مالك الملك / والفرد الصمد / والسميع
البحر مايقيسه كون غبة مداه=ما يشبر ولا له بـ المذارع ذريع
والجبل لوخذينا من علوه حصاه=ماتبين طمانه لانه خلقه رفيع
وأنت والله لو اكتب لين تفنى الدواه=مالحق أول وصوفك يالطويل / الفريع
لانك اللي علومه كل أبوها طراه=والشعر / والقصايد /في سموك تضيع