[الشريف]

ما دام من تقدم مهوب رجال

ابيات طريفه لفتاه

أضحك وأنا اسمع سيرتي في المجالس == وأعرف عيون الناس ماترحم الحال

حالي مثل منهو على الباب حــــــــارس == يحفـــــظ كنوز ما تقدر بالأمـــــــوال

صعبه يجي انسان مهوب فــــــــــــارس == ياخذ بنيه ينضرب فيه الأمثـــــــــال

ولا يجي طايش وجاهل مـــــــــــــدارس == أكبر طموحه خط بيجر وجـــــــــوال

صدره من مرض الدخان تــــــــــــارس == زود على التنباك منحط الآمــــــال

النفس في خشمه ودايم يعاكــــــــــــس == يقول انا لي شارب والبس عقـــال

ايه أفتخر لا قالوا الناس عانــــــــــس == ما دام من تقدم مهوب رجــــــال


--------------------------------------------------------------------------------