هذه القصة تم كتابتها من قبلي وقام بدراستها وإجازتها صديق لي وهو كاتب روايات وقصص وله باع طويل في هذا المجال وبالنسبة لي هذه أول مره أقوم بكتابة قصه وبفضل من الله وثم هذا الصديق بمساعدته قمت بانجازها وهذه القصة تتكون من ثلاث فصول استغرقت من الوقت مايقارب شهر وعشرون يوم وقررت أن انزل الفصل الأول في المنتدى لكي تقيمون هذه القصة بردودكم وإذا حازت على رضاكم سأكمل البقية
الفصل الأول
المدرس : انتهت الحصة ياطلاب ونبي منكم بكره تجون نايمين عدل وكل واحد يجيب معه الدفتر والكشكول مو تنسون يالله سلام عليكم
.
أحمد: عساك تروح ماترد يابو سبع أرواح على كثر ماأدعي عليه مايموت
وليد: احترم نفسك هذا كبر أبوك وواجب انك تحترمه من احترام أبوك وتقديره ! و إلا أنت ماتحترم أبوك إذا هذا كلامك .
احمد:أوف هذا عاد مسوي نفسه طيب ومحترم .علباله انه الكل بالكل بالصف! (اخذ الكرسي وطق فيه وليد على رأسه )
وليد:أنا قلتله أنت مو محترم هدوني عليه خلوني أدبه
مجموعه من الطلاب:خلك منه حنا نوديك للطبيب راسك كله دم
وليد:أنا اوريك مخليها لك !!!
الطبيب:يله ياشاطر راسك محتاج غرز حاول تلزم الهدوء عشان اعرف اشتغل بالغرز
وليد:أنا ماهمني الغرز أنا همني اللي مو شايف احد بعينه بس أنا أوريه اخذ حقي منه يعني اخذ حقي منه
الطبيب:يله ياشاطر قوم أن شاء الله انك طيب ومافيك شي
وليد:شكرا يله يادكتورالله يعطيك العافيه ؛أيه الحين مافيه الا أروح أقول حق محمد السالفة علشان اخذ حقي منه بالهده
وليد:اقول لو سمحت ماشفت محمد
(..............؟) الا هذاك محمد
وليد:شكرا محمد محمد محمد !!الظاهر انه مايسمعني خلني ارو حله .....سلام عليكم
محمد مع مجموعه من الأصدقاء :عليكم السلام ورحمة الله وبركاتهمحمد:هلا وليد شلونك شفيه راسك ملفوف
وليد:بعدين اقولك بعد أذنكم شباب بغيت محمد بروحه
أصدقاء محمد:خذ راحتك
وليد:أنا تهاوشت ويا واحد (محمد قاطع وليد)
محمد:ادري تهاوشت مع واحد وتبي تاخذ حقك منه بالهده انت مشكلتك انك تضن الناس ان الناس كلهم طيبين نفسك عشان جذيه كل يوم قاعد تهاوش .أنا كل يوم أقولك وكل يوم أنصحك خلك من المشاكل ومن فلان وعلان ودير بالك على دراستك علشان بكره تشوف مستقبلك
وليد:أنت كل يوم تقول هالكلام .يائنك تخاف او تطنز علي
محمد:لا أنا ماخاف بس انصحك والحين اللي تبي انا حاضر شنو تبي؟
وليد:أي هذا محمد اللي أنا اعرفه أنا أبيه بالهده
محمد:خلاص الوعد بالهده
وليد:السلام عليكم
المدرس:عليكم السلام ؛وين كنت وليد؛بعدين ليش راسك ملفوف
وليد:كنت عند الدكتور؛وراسي ملفوف من هوشه مع واحد ؛ممكن ادش الفصل .
المدرس:أي تفضل؛ماتشوف شر ؛عاد اللي نعرفه عنك أنت ياوليد انك خلوق وطيب
وليد:شكرا ياأستاذي المشاكل ماتعرف خلوق او غير خلوق .
(طق الجرس هده)
وليد:أقول أنت أبيك بالهده
احمد:خلاص صار اتفقنا!
وليد:محمد
محمد:هلا وليد وينه اللي تهاوشت معاه
وليد:هذاك اللي قميصه لونه اصفر
محمد:أنت لوسمحت (هيه)
احمد:خير امر
محمد:شفيك أنت ووليد
احمد:انت جاي وياه يعني فازع
له(وليد ايه فازعلي نبي نطقك وهاك أول طراق........)
احمد:هدوني ابي اطقه.
محمد:هاه ارتحت خذيت حقك .
وليد:ايه ارتحت نشوفك بكره.
محمد:خير أن شاء الله
اليوم الثاني (الحصة الأولى)
المدرس:وليد انت واحمد روحوا حق الأخصائي.
احمد:آن شاء لله.
وليد:أن شاء لله.
المدرس:محمد روح حق الاخصائي.
الأخصائي:كل واحد فيكم يتصل على ابوه ويخليه يحضر.
احمد :أن شاء الله
وليد:أن شاء الله
محمد:أن شاء لله.
محمد:الو يبه شلونك؛ابو محمد:هلا محمد؟ محمد:انا بالمدرسة وطالبينك تحضر!!ابومحمد>>ان شاء لله أنا جاي.
ووليد كذالك حضر أبوه واحمد حضر أبوه ..
(حضر أولياء الأمور جميعا)
الاخصائي:ولا واحد منكم يتكلم بس اولياء اموركم ..هنيه قانون المدرسه أي واحد تكثر عليه المشاكل ننقله من المدرسه وبعدين محمد ووليد اول مره لكن احمد عنده مشاكل كثيره والحين نبيكم انت يابو محمد وابو وليد توقعون على تعهد ؛ وانت يابو احمد تدور مدرسه حق ولدك.
ابو محمد:لا انشالله هذي المره الاخيره ؛وشوفهم الحين قاعدين يسلمون على بعض وماتكرر انشالله
الاخصائي:خلاص دامهم سلموا على بعض ومايكررونها بنسامحهم يلا ياطلاب كل واحد يروح على فصله ؛واللحين انتم يالاباء تقدرون تروحون.
ابو احمد:شكرا يابو محمد؛ابو محمد:لا العفو
ابو وليد:مرحبا ابومحمد انا من كثرة مايسولفلي وليد عنكم كان ودي اشوفك
ابومحمد:حتا انا ودي اشوفك من زمان وهذي فرصه تفضل معانا للبيت.
وليد:لامره ثانيه أن شاء الله أنا علي دوام واستأذن..أبو محمد:ماتشوف شر نتواجه بعدين.
(بعد عشر سنوات)؟؟؟
أم وليد:قوم قوم يالله ياوليد عليك دوام قوم لاتتأخر.
وليد:زين وبعدين مع هالدوام مليت انا خلاص ماراح ادوام تعبت خليني يمه انام مأبي اروح للدوام.
أم وليد:حتا أنا مليت وأنا اقعدك للدوام وأنت تملل الظاهر اشو فلك بنت الحلال اللي تهتم فيك انا مليت منك.
وليد:شنو قلتي يمه ؟صج ياليت .
أم وليد:أيـــــــــــــــــــه!! جان قايلنا من زمان وفاكنا من اشغالك اللي ماتخلص.
وليد:خلاص بروح للدوام يمه يالله حطيلي الريوق علشان ماأتأخر.
أم وليد: توك تقول ماني رايح الحين تبي تروح ، مشكله انتم ياعيال اليوم
وليد: يماه الماي بارد ليش مو مشغلين السخان ابفرش أسناني و أسناني حساسة مع الماي البارد وأنا ناقص عوارات.
أم وليد : نسيت ياوليد ماعليه الحين اسخلك ماي لاينشغل بالك بس أنت بدل ملابسك
وليد : يله يمه وين الماي
أم وليد : الماي جاهز بالحوش . وبروح اقعد أخوك خالد
وليد : يعطيج العافية يمه الله ليحرمني منج
***********************************************
أم سالم : قومي ريم يله عندج محاضره يله يابنتي لا تاخرين
ريم : ان شاء الله يمه خلاص انا قعدت روحي الله يعطيج العافيه .
أم سالم : يله بدلي ملابسج وانزلي تحت تلقين اختج تنطرج على الريوق
ريم: صبحج الله بالخير مريم ليش ماتريقتي
مريم : صبحج بالنور انطرج تجين اسمع امي وهي تقعدج
ريم : تصدقين أني كرهت الجامعه وكرهت طريق الجامعه بسبب السائق
مريم : ليش شفيه السائق
ريم: مايعرف يسوق تخيلي طول الطريق يمشي ثمانين وإذا مرت من عنده سيارة يخترع ويقوم يلف يمين ويسار واذا شاف الاشارة يقوم يمشي عشرين والسيارات يدقون هرنات ويصايحون عليه وانا انحرج
مريم : ماعليه السواقين أول مايجون مايعرفون يسوقون وبعدين يتعلمون
ريم : أنا صراحه أخاف الطريق طويل وتبين الصراحة أنا ودي اسوق بس المشكله سلمان وسعود مايرضون
مريم : انسي السالفه ويله تاخرت على المدرسه
ريم: يحظج هذي مدرستج قريب مو أنا ساعة يله مشينا
مريم : بس وقف راجو هذي مدرستي ولاتاخر تجي الساعة وحده مع السلامه ريم ولاتخافين كلها ايام وتغير سواقته
ريم : الله يسمع منج يله شدي حيلج بدراسه ومع السلامه
************************************************
أم وليد:قوم خالد يالله قوم
خالد:يمه احنا الحين كورس جديد والتوقيت تغير؛المحاضره تبدأ الساعه عشر.
أم وليد:خلاص متى تبيني اقعدك؟؟.
خالد:لاتحاتين يمه أنا حطيت منبه بتليفوني وانشالله راح اقعد من النوم.
وليد:يالله يام وليد أنا ماشي رايح للدوام جهزي عمرج أذا رديت أن شاء الله على الغداء بقولج سالفه هالللللللللللللللللللللكبر.
أم وليد:عرفت سالفتك..أذا رديت عليك بس اختار...... الله يسلمه...شنو أحلى من أغاني أبو نوره على هالصبح...الأماكن كلها مشتاقه لك (ياسلام) والعيون اللي انرسم فيها خيالك..والحنين اللي يسرا بروحي وجالك ماهو بس أنا حبيبي..الأماكن كلها مشتاقه لك ..هذا هو طلع وليد وهو مستانس وركب سيارته لكن؛من وناسته سلم على هندي جيرانهم اللي كان دوم يزفه.
((وليدبالسياره))..وليد.خلني اشوف اخر تطورات FM؛...ياااااااااي سحر عيوووونه ونظراااته اول ماتلائينا عين بعين...الحمدالله والشكر !!هذي اغنيه..خلني اغير المحطه ....لو تعرفوووووا لويوم شفتوا اكلمووه...يووووه بكحلها عميتها ...مافيه الامسجلي الفن والا بلاش..
ريم:لالالالالا!!!!لاتطلع السيارة مسرعه تعدمنا بعدين ...
السايق:أنا ماعرف أنا مايدري شنو شنو شنو ..(دددددووووووم...........)
وليد:الله يستر شنو هذا الحادث المروع أكيد ماتوا خلني أوقف أشوفهم ...لأحول ولا قوة الا بالله !فيك شي؟.
السائق:أنا واجد رجل عور مال آنا.
وليد:السيارة فيها احد غيرك؟.
السائق:أي بابا فيه ماما داخل سيارة!!!.
وليد:بروح أشوفها لايكون فيها شي.
ريم:الله يعافيك يالطيب ساعدني مابي أموت .
وليد:هاه...!!!أن شاء الله دقيقه الحين جاي لاتحاتين هيه لو سمحت تعال ساعدني خلنا نشيل البنت اللي داخل السيارة.
ريم:أأأأأأخ...رجلي تعورني!!!!
وليد:لاتخافين الحين اوديج للمستشفى ....شفيها سكتت!اظاهر اغمى عليها ؟وين اقرب مستشفى ؟أي تذكرت.
وليد:لوسمحت يامسعف معاي حاله تعال دخلها المستشفى.
المسعف:آن شاء لله
.
(دخلوا ريم للمستشفى)
وليد:لوسمحت يادكتور تبون مني شي؟.
الدكتور:لابس روح مكتب التحقيق علشان تفيدهم بشهادتك.
(وليد؟بطق باب المحقق!)
المحقق:تفضل.وليد:السلام عليكم.
المحقق:عليكم السلام أمر اخوي.
وليد:مايامر عليك ضالم انا اللي اسعفت البنت اللي صار لها الحادث.
المحقق:قواك الله ؛وكثر الله من امثالك وماجور أن شاء الله عطني بطاقتك لاهنت .
وليد:الله يعافيك تفضل هذي بطاقتي .
المحقق:انت وين موظف.
وليد:موظف بالدفاع المدني.(اطفائي).
المحقق:تفضل بطاقتك وأنا سجلت بياناتك وعلى العموم رقمك مسجل عندي أذا احتجناك نطلبك.
**********************************************
وليد:الو..عبدالله...شلونك؟؟انا وليد ؛وأنا رايح للدوام صار قدامي حادث ؛واسعفت
اللي بالحادث؛كلملي المسؤل وقوله اني ماقدر اداوم تعبان.
عبدالله:اوكي انا اتصل فيك ورد خبر أذا كلمته لاتشيل هم الدوام.
******************************************
أم وليد:ياحليلك ياخالد أحسن من وليد تقوم نفسك بنفسك تعال اشرب قهوه .
وليد:طحت عليكم ؟تحشون فيني!!.
أم وليد:بسم الله الرحمن الرحيم!!!!!!!!!!!!انت من وين طلعتنا !!!لاتقول مادوامت.
وليد:شلونك خالد .
خالد:الحمدالله بخير يالله انا استاذن تأخرت على المحاضره.
أم وليد:وليد ليش تتهرب من السؤال!!!!!مادوامت اليوم؟.
وليد:لايمه ماتهرب الله يسلمج وانا رايح للدوام (ترررررررررررن يتصل بك عبدالله ترررررررررررن)دقيقه يمه بعد اذنج ؛هلا عبدالله .
عبدالله:خلاص وليد كلمت المسؤل يقول لداوم اليوم .
وليد:قواك الله(سكر التليفون) أي يمه اكلمج صار حادث قدامي.
أم وليد:يمه وليدووه شفيك صارلك حادث ؟؟؟؟صار فيك شي ؟؟؟؟.
وليد:يمه قاعد اقولج قدامي ؛المهم ووقف على الحادث وكان فيه بنت بالحادث تعبانه وتقول تكفى لاتخليني اموت ؛وقمت باسعافها للمستشفى؛وهذا اللي خلاني ماداوم.
أم وليد:ياوليدي شتبي بالمشاكل الحين أذا الله لايقوله صار بالبنت شي يقطونها براسك.
وليد:يووووه!!يمه خلينا منها الحين عندي سالفه اهم.
أم وليد:ايه انا قلتلك وانت بس عليك تختار .
وليد:خلاص عطيني ثلاث أسامي وأنا اختار وحده منهم.
أم وليد:شرايك بنوره بنت أختي أم يوسف؛والا نشميه بنت عمتك أم سعد؛والا غدير بنت خالك ابو فواز.
وليد:يمه أنا تعبان بنام وإذا قعدت اردلج خبر.
*********************************************
(الدكتور يكلم المحقق )
الدكتور:حالة البنت اللي جتنا ليوم تعبانه ونبي اهلها يجون .
المحقق: خلاص أنا اتدبر الامر.
(المحقق يتصل ببيت ام سالم)
المحقق:السلام عليكم.
أم سالم:عليكم السلام.
المحقق:عندكم بنت أسمها ريم.
أم سالم.ايه عندنا !!خير عسى ماشر ؟فيها شي بنتي.
المحقق: بنتكم عندنا تتعالج بالمستشفى وطيبه بس نبي احد يجي ياخذها.
أم سالم:ليش ؟؟!!شفيها بنتي ؟؟طالعه من عندي مافيها الاالعافيه؟؟.
المحقق:لابس حادث بسيط ومافيها الا الخير.
أم سالم:خلاص الحين اجيكم.
(أم سالم تقعد سعود)
أم سالم:قوم سعود..اختك بالمستشفى تعبانه أبيك توديني لها.
سعود:مالي خلق يمه ..بانام..شوفي احد غيري.أم سالم:مافيه الاسالم..باتصل عليه..(..لايوجد رد) سالم مايرد بتصل على سلمان ..(جاري الاتصال بسلمان)
سلمان:الووو هلا يمه.
أم سالم:هلا سلمان..أختك ريم بالمستشفى وأبيك توديني لها.
سلمان:خلاص أنا جاي بالطريق.
(سعود قعد من النوم مو مستوعب الموضوع).
سعود:هايمه!!!ريم شفيها؟؟.
أم سالم:اقولك بالطريق بس أنت ودني لها الحين واتصل على سلمان قول له حنا طالعين للمستشفى خله يجينا هناك (سالم يتصل بك ..)
سالم:هلا يمه خير عسى ماشر.
أم سالم: دقوا علي المستشفى يقولون أن أختك ريم عندهم ويبون احد يجي وأنا الحين رايحه مع سعود لها.
سالم :خلاص أنا اجيكم هناك.
(تجمعوا اخوان ريم وامها بالمستشفى).
( وليد نايم والتلفون يدق ) .....( سلطان يتصل بك ......)
وليد : الووووووووو .... هلا سلطان ..
سلطان : نايم أنت ؟؟ قوم .. قوم .. حنا بالبر صايدين صيد والشباب متجمعين ومضبطين الغداء .... نبيك تجي تغدا ويانا .
وليد : تعبااااان والله مالي خلق .
سلطان : لااا الربع كلهم ملزمين عليك .. لازم تجي .
وليد : خلاص أنا بالبس واتصل فيك .
( وليد صحصح ولبس وشغل سيارته .... واتصل على سلطان )
وليد : هلا سلطان وينكم ؟؟؟!!
سلطان : امسك الطريق ولا قطعت 40 كيلو اتصل على .
وليد : اوكي
سلطان : ياشباب وليد : جاي بالطريق ... تبونه يجيب شي وياه فهد: أي خله يجيب وياه لبن وروب . سلطان : ها وليد وينك ؟؟ وليد : أنا قاطع 35 كيلو . ليش ؟ سلطان : مر البقاله وجيب وياك لبن وروب .
( أخوان ريم عند الدكتور )
سالم : ها دكتور عسى ماشر ؟؟ !! الدكتور : بنتكم اليوم سوت حادث وفيها كسر بالحوض وكسر بضلعين من الجهه اليمنى وكسر مضاعف بالفخذ
الأيمن بسبب المسعف قام بأسعافها بالطريقه الخاطئه.(لانه مواطن عادي وليسى بمسعف) .سعود:منو هذا اللي اسعفها؟؟والله لكسر راسه .سالم:عيب عليك شهل الكلام الفاضي مو وقته ...سلمان اخذ أخوك واطلعوا برا ...سالم يكلم الدكتور المهم حالتها الحين شلونها؟؟!! الدكتور:حالتها مستقره لكنها بالعنايه المركزه لانها داخله في غيبوبه والحين تقدرون تستريحون برى سالم : يكلم سعود روح جيب أختك من المدرسه لأن السائق تعبان وكلامك اللي قبل شوي أحاسبك عليه بعد شوي الدكتور يتصل بالمحقق البنت اللي عندنا بالحادث اليوم أخوانها موجوديم عندي وباين عليهم يبون يسون مشكله مع الولد اللي أسعفها فعليكم الإجراءات للازمه. المحقق ليش شالمشكله ..الدكتور : بسبب كسر مضاعف أثناء إسعافها فالفخذ الأيمن ..المحقق خلاص أنا راح اخذ الإجراءات للازمه.
((وليد وصل للشباب))
وليد السلام عليكم:الله يعطيكم العافية على هالصيد الطيب ..سلطان وعليكم السلام ورحمة الله وبركاته...أشوفك نايم وأنت كل يوم تسب الدوام ..وليد:لا بس اليوم ..صارت لي سالفتين وحده حلوه والثانية ماتسعد..فهد:عطنا العلوم الحلوه أول شي ..وليد)أظاهر أني بدخل القفص الذهبي )سلطان:ماشالله مبروك والفال لي ..لكن السالفة اللي ماتسعد شنهي ..وليد:وأنا رايح الدوام اليوم صار حادث قدامي..وقفت عليه الا فيه بنت بالسيارة ..تصيح وتقول تكفى لاتخليني ..فهد يقاطع وليد..فهد:لايكون أسعفتها ؟؟!!وليد: لاتلومني حط نفسك بمكاني ..ليش ؟؟فهد أي شي يصير فيها راح يكتب الدكتور انك أنت السبب وبعدين تطيح براسك (دق تليفون وليد ) وليد: رقم غريب أول مره أشوفه..بس برد ..الووو ..المحقق هلا ..الأخ وليد..أي نعم آمر منو وياي؟؟معاك محقق المستشفى ..لازم تحضر الحين ضروري ؛وليد:خير عسى ماشر أنا بعيد ومشغول شوي..المحقق:الموضوع مهم وضروري ...ولازم تجي الحين بأسرع وقت ؛وليد:خير أن شاء لله أنا جايك بس مسافة الطريق ...سلطان:شنو وليد؟؟عسى ماشر؟؟
وليد:لا..المحقق داق علي علشان سالفة البنت اللي أسعفتها اليوم وأنا لازم أروح له الحين ..فهد:شفت أقولك !!هالوقت خيرا تعمل شرا تلقى ..سلطان:لا يارجال سهلات وان شاء لله مافيها الاخير ...وبالله أنا بخاويك (راحوا سلطان ووليد للمستشفى) (سعود ومريم داخلين البيت) مريم:البيت فاضي وين أهلي ..سعود يقول لمريم السالفه كلها ..مريم: ياساتر ...خلاص الحين لازم توديني بشوف ريم .. وليد وسلطان يدخلون على المحقق:السلام عليكم أنا وليد اللي كلمتني خير عسى ماشر ..المحقق طلب من وليد انه يتفهم الوضع ويسلم نفسه للشرطة حرصا على سلامته وذلك لغضب أخوان ريم وحتا تصحوا ريم من غيبوبتها ..ولكن سلطان يعارض على رأي المحقق وذلك بحجة أن الواقعة كانت عن طريق الغلط ومن باب المساعدة ولا يذنب وليد بغلطه لم يقصدها..
الفصل الثاني
كثير الاحداث والمفاجأت المشوقه
,,,,,,,, ننتـــــــــــــــــظر الردووود,,,,,,,,,,,,,,,,