السلم عليكم ورحمة الله وبركاته
صبـــاح الخير للمنتدى وأهل المنتدى وزوار المنتدى الغالي
أنا انقطعت فتره عن المنتدى وجايب عذري معي
هذي قصيده للمبدع الشاعر / فلاح بن حذيان
عسى أن تنال إعجابكم
,
,
,
,
,
,
,
لو إن فالدنيا رياجيل صدقان = دوام حال الصادقين إستحاله
مثل الدلال الصفر لا صرت خرمان = تشرب زلال وتاليتها حثاله
عشنا وشفنا فالبشر كل الألوان = فلان عم فلان وفلان خاله
هذا سنام الطيب مدري كحيلان = وهذا يساوي له قبيله لحاله
يمكن تعين فزعه أحيان وأحيان = لا طالت الشطه يسميك عاله
ربعك بني عمك و وقتك ليا شان = تارد حياض الموت مابه جماله
وأخوانك أعزومك على كل ميدان = الحمل واحدهم ليا قام شاله
أحد ٍ يصدقني وأحد قال غلطان = والأيام دواره سوات المحاله
لابد مايعطيكم الوقت برهان = وكل ٍ يقول إنه صدق يوم قاله
اللي على الدنيا بلا ربع وأخوان = لو صادقوه ألفين عاده إلحاله
الله يكافينا تصاريف الأزمان = ولا يوردنا دروب الجهاله
,
,
,
وسلامتكم
عسى أن تنال إعجابكم