[هـــ رعشه ـــدب]

اسمحولي على التأخير بس كنت مشغوووله بالأمتحانات وتوني مخلصه وهذا الجزء الثاني من القصة وأتمنا يعجبكم ...


الولد : السلام عليكم ,,
مهرة وهي متغطيه : وعليكم السلام والرحمه ..
الولد : هذا تليفونج اختي ..
مهرة : ايه هذا تليفوني ...مشكور الشيخ..
الولد : لا شكر على واجب ...تامرين بشيء الشيخه ..؟
مهرة : لا سلامتك ..
وطلع الولد من المحل ومهره ترتجف مادري خجل ارتباك المهم انها مب طبيعيه ..
وفجأه دخلت فاطمه ومها محل جعيدي ...
فاطمة : هاااااه مهرة شو اخترتي ...؟
مهرة : مب المهم شو اخترت المهم انتوا وين خليتوا تليفوني ...؟
مها : يالله انا نسيته في محل باريس غاليري ..
مهرة : الحين التليفون عندي تعرفون من وصلني اياه ...؟
مها/ فاطمة ..منـــــــــــــوه ؟؟؟
وحكتلهم مهرة كل السالفة ....واشترت مهرة الفستان بعد حكم فاطمة ومها عليه .. ورجعوا للفندق ..
فاطمة : انا ميته من الجوع اريد اكل ...
مها : هيه والله يوعانين مووووووت نبا ناكل ...
سعيد (زوج فاطمة) : شو تبون تاكلون ...اختاروا اللي تبونه واطلبوا ...
فاطمة : شو رايكم نروح نتعشى في مطعم القصر الهندي ....
مها: يم يم يم..لايكون بس حلو مثل اللي عندنا في بوظبي ..
سعيد : واحلا من اللي في بوظبي ..
فاطمة : عيل شو تتريون يالله نروح ....
مها : بروح ازقر مهرة عسب تزهب عمرها ...
مهــره ...مهره ..مهره ..
مهرة: هلا خير شو تبين....؟
مها : يالله بنروح نتعشى ...
مهرة : انا مب سايره احس نفسي تعبانه وبنام ...
مها : ياخبله احنا بنروح لمطعم القصر الهندي ...
مهرة : وشو يعني ..انا مب سايره ..
مهاا: غريبه قبل كنتي تموتين في شيء اسمه المطعم الهندي ..
فاطمة : يابنات ....يابنات ...يالله خالكم تحت ينتظرنا بسرعه ..
مها : انشاءالله فاطمة ..
وراحوا يتعشون في مطعم القصر الهندي ...اما مهره يلست في البيت ..
مهرة : ياربي انشاءالله ان السالفه تنتهي على خير .. احسلي اقوم اصلي العشاء بدل هالافكار اللي لا تودي ولا تييب...
اما الولد(سيف ) فكان يفكر في البنت اللي عطاها تليفونها ...لكن ربيعه (حمد) ماتركه في حاله ..
حمد : سيف شو فيك صارلي ساعه اكلمك وانت سرحان
سيف : لا سرحاااان ولا شيء بس انته ماعندك سالفه ..
حمد: لا والله انا اللي الحين ماعندي سالفه ...الله يالدنيا ..
سيف : اعذرني ياحمد الصراحه انا سرحان شويه ..
حمد : ايوااا اعترفلي قولي منو هاي اللي قدرت على سيف واسرت تفكيره ..
سيف : ماعاشت ولا انخلقت اللي بتقدر عليَ.
حمد : ههههههههه مشاءالله واثق والله حاله المهم انا بروح لبيتنا احس اني تأخرت وباجر عندي مقابله..
سيف : الله معاك ... بس تعرف في خاطري شيء
حمد : شو هالشيء اللي في خاطرك ....؟
سيف : اتصل في البنت راعيت التليفونها واتعرف عليها ..
حمد : اهاااا زين شو رايك انا بكلمها ...
سيف : لا مستحيل هاي من نصيبي انا ولا بعطيك رقمها ...
حمد : عاد انته مشاء الله عليك عندك مليون ابنيه مب انا حليلي مسكين ماعندي غير هند وملوعه جبدي
سيف : هههههههههه عصفور في الايد ولا عشره على الشجره ...
حمد : ماعليه الله يسامحك .. المهم انا اترخص فمان الله ..
سيف : درب السلامه انشاء الله ..

وتم سيف يفكر هل يتصل في البنت ولا مايتصل اوكي وإذا اتصل شو بيقول لها ... اما مهرة فكانت تبا تنام من كثر التعب وقالت خليني اضبط المنبه في التليفون عشان صلاة الفجر واللي دائماً تفوتها .. وفي اللحظه اللي كانت مهرة يالسه تضبط المنبه ردت على مكلمة سيف بدون ماتعرف منو المتصل ....

مهرة : الــــــــــــــــــــــــــــــــــــــــــــــــ ـــــــــــــــووووو
سيف : هلا والله ومرحباااااا... شحالج الغاليه ....؟؟؟
مهرة ( وهي خايفه ) : منــــو انت ...
سيف : معقوله ماعرفتيني ...؟
مهرة : لا ماعرفتك .. منو ؟
سيف : احم انا طالج عمرج سيف اللي عطيتج التليفون ...
مهرة ( وهي مرتبكه ) : شــــــــــــو !!!! انته شو تريد متصل ...؟؟
سيف : بغيت اتعرفيني واعرفج واكلمج عن نفسي وتكلميني عن نفسج
مهرة : انا اسفه ما اقدر واعذرني لأني بسكر الخط ولو سمحت لا تتصل .
سيف : مستحيل حد يعرفج ويتركج بهالسهوله لالا انتي غلطانه ..
مهرة : اللي يسمعك الحين يقول انك تعرفني حق المعرفه ... اسمع هاي اخر مره ارد عليك فاهم يالله اذلف .
سيف : ليش يالغلا انا من شفتج وكلمتج حسيت اني اعرفج من زمااااان وتصدقين حبيتج ...
مهرة : ..............اف منك اذلف الشرهه مب عليك عليه اني رديت على اشكالك ...

وسكرت الخط في وجه سيف ...وتمت تفكر في اخوها محمد شو بيسوي فيها لو عرف ان فيه واحد كلمها اكيد بيذبحها...فكرت شو بتسوي في هالمصيبه ... فكرت تكلم اختها بس للأسف اختها في عااااااالم ثاني ومنو اللي بتروح مهرة تشتكيله ....وحطت مهرة راسها على المخده وهي تفكر لين مانامت ...أما سيف استغرب من تصرف مهرة معاه قال معقوله فيه بنت بتصدني وانا اللي كل البنات تركض وراي ... بس رجع وقال اكيد هذا اسلوب من البنت عشان اتبين لي انها محترمه والمهم انه بيتم وراها وما بيتركها ....
والصبح وبعد طلوع الشمس فتحت مهرة عيونها على اربعة اتصالات ومسجين من سيف .... واحد مكتوب فيه ...
"" أنتي أجمل بنت انا شفتها بحياتي كلها_ وانتي عندي غااااااااليه وايد ... انا بتصل وارجوج انج تردين بقولج شيء وبسكر ..."" اما المسج الثاني مكتوب فيه ""اهون عليج اني اتصل وطنشيني ؟؟؟"""
سمعت مهرة كلام اول مره تسمع فيه لكن قالت لا مستحيل افتح مجال لهالأنسان مهما يكون وكل الشباب يلعبون بمشاعر البنات ومحد صادق فيهم ... ولازم وبأسرع وقت انها تتصرف وتكلم أختها مها بالسالفه ...
وطلعت مهرة في الصالة وشافت خالها يالس ....
مهرة : صـــــــــباح الخــــــــير ياوجــــــــــــه الخير...
سعيد : صباحج ورد جوري يالغالية .. أشحالج وشو أصبحتي ..
مهرة : بخير ربي يسلمك ويعافيك ... وين مها وفاطمة ماشوفهم ..
سعيد: فاطمة في المطبخ _ اما مها في غرفتها ...

وراحت مهرة لغرفة اختها ودقت الباب .. وقالتها مها دشي يامهرة ...وتم قلب مهره يدق من الخوف ماتعرف كيف بتبدأ بالسالفه وشو بتقول وهل مها راح اتصدقها او لا ... بس كل اللي تعرفه مهرة انها لازم تخلص نفسها من هالسالفه لأنه غلط انها تسكت ....لكن مها الله يسامحها ماعطت مهرة مجااااال عشان تتكلم ...

مهرة : مها انا اريد اكلمج ممكن ....؟
مها : اعرف اعرف ....
مهرة : تعرفين ؟؟؟؟ منو قالج ...
مها : انتي اختي كيف ماعرف المهم بخلصلج سالفة الفستان لا تخافين ...
مهرة : اي فستان واي خرابيط ... انا بقول ...

وفجأه فتحت فاطمة الباب وقالتلهم يالله بنتريق عشان نطلع من دبي ...
وتريقوا واحوا لبوظبي ... وفي الطريق تمت مهرة تفكر وقالت يمكن سبحان الله انه احسن يوم مافاتحت مها في الموضوع يمكن تقول لأخوي محمد ويذبحني ... احسن اسكت واطنش اتصالات سيف واكيد بيتعب وبيمل..
اما سيف صحى من نومه الساعة وحده ونص الظهر ... واول شي راح يدور على تليفونه بيشوف إذا شيء وصل من مهرة...لكن للأسف ما حصل اي شيء وقال يالله خليني اتصل فيها ...وقبل يتصل في مهرة اتصل فيه ربيعه حمد ....
حمد : الو صباح الخير
سيف : مرحبا صباح النور والسرور...
حمد : هههههههه اخبار ليلتك اكيد رومنسيه ..
سيف : اي ليله واي بطيخ ..
حمد : افااااا شو مستوي
سيف :/ شو رايك تمرني بنروح نتغدا ع الكاسر ... وهناك بنسولف.
حمد : لااااااا شكل السالفه كبيره ... بس دقايق واكون عندك ..

وسكر سيف التليفون وقال يالله خليني اتصل يمكن يحن قلبها عليه وترد ... واتصل سيف ومهره ماردت والكل سأل مهرة وقالها ليش ماتردين ع التليفون ...بس هي قالتلهم هاذي ربيعتي مريم ومابرد عليها ....وكانت مهرة خاااااااايفه حيييييل ومحتاره شو تسوي ...اما سيف فكان متضايق ليش هالبنت ماترد عليه ...وقال يالله خليني اتسبح واللبس عشان اطلع مع حمد ... ومر حمد على سيف وطلعوا للغدا ...

حمد : سيف قولي شو صار مع البنت..؟؟
سيف : الصراحه ماقدرت عليها ... مطنشتني والبارحه سدت الخط في وجهي انا سيف تصدج ...
حمد : مستحيل قول والله ههههههههههههههههههه تبا الصج زين سوت ههههههه

سيف : انا اتكلم جد ...ماعرف ليش تسوي جي ....
حمد : هاي حركات بنات لا أكثر ... وماعليك منها صدقني وحياتك اني اذلها لك إذا تريد ..
سيف : يالله قولي شو بتسوي ...ذلها ..
حمد : عطني رقمها وبتصلها الحين وبتشوف إذا ماردت ..
سيف : فكره حلوووووه ...

واتصل سيف من تليفون حمد في مهرة وماردت لأنها ماترد على رقم ماتعر فه ...
ورد اتصل فيها خمس مرات وماردت ...

سيف : حمد انا تعبت بس استحلفك بالله إذا اتصلتلك لا ترد عليها وخبرني ..
حمد : انشاءالله بعدين انته لا تخليها تشغل بالك لهادرجه وتراها مجرد بنت يعني من الاخر خقاقه
سيف : مادري بس مب انا اللي ينسد الخط في وجهي ... والله اني اخليها تندم على هالحركه ,,,

اما مهرة مسكينه فكانت خايفه واااااايد ومحتاره شو تسوي ...دشيت بيتهم وسلمت علي اهلها لكن اول ماشافت محمد صار وجها لونه اصفر ...قالها شو فيج يامهره وماردت عليه ...

مهرة : ياربي شو اسوي وين اروح ...انا تعبانه وما اقدر اسوي شيء يارب ساعدني ...ماريد فضايح ..
سيف كان انسان مغرور وابوه من اكبر تجار دبي واي شي كان في خاطره يشتريه مهما كان سعره وكل شهرين لازم يشتري سيارة احدث موديل ...وعلى اتفه المناسبات كان لازم يسوي حفلة كبيره في افخم قاعة في دبي ..
وكان دووووم يسافر واعز صديق عنده هو حمد .. صديق طفولته ...
وبعد مارجع سيف من عند حمد اتصلت فيه مهرة وحس بفرحه ..

سيف : معقوووووووله لالا مستحيل ... بس انا مابرد عليها خليني اثقل دمي عليها شوي ..
مهرة : شو فيه مايرد ...
سيف : انا لازم اتصل في حمد واقوله ...
الو ...الو ... حمد الحق عليه ..
حمد : شو فيك خلصني هند على الخط
سيف : البنت اتصلت وانا طنشتها ..
حمد : ماقلتلك بس يالله رد مب الحين طنشها لازم تملك قلبها عقب سو اللي تبي فيها ..
سيف : يعني اتصل ...؟؟؟
حمد : اكيد عيل شو ...
سيف : اوكي ..يالله ســـــــــلااااااااام؟؟
مهرة : ياقلبي شو اسوي سيف يتصلبي يارب يقتنع في كلامي ....
الــــــــــو .....
سيف : يااااااااااااه والله ولج وحشه .... شو هالقطاعه .... معقوله انا عندج رخيص لهادرجه ..
مهرة : سيــــــــــف ....
سيف : عيون سيف ..
مهرة : بليييييز اسمعني وافهمني ... انا رجعت لبيتنا وما اقدر اني استقبل اتصالاتك ارجوك امسح رقمي انا ما انفعك .. بالعكس يمكن اظرك ...
سيف : الغاليه هذا الموضوع اتنها وانتي تعرفين عدل اني مستحيل اتركج ... انا حبيتج تعرفين شو معنات هالكلمه ...
مهرة : اي حب واي خرابيط ياولد الناس انا عندي اخو لو يعرف انه عندي واحد يتصلبي بيذبحني ... انا يالسه اترجاك ونا عمري ماترجيت حد ...ارجوك لا تسويلي مشاكل وامسح رقمي...ولا تم توزع رقمي على ربعك انا مب من النوع اللي في بالك ...
سيف : ولا انا من النوع اللي في بالج ...بعدين انا ماوزعت رقمج على حد ..
مهرة : والحين شو النهايه ...
سيف : ماتبين اتصل اوكي مابتصل والسموحه منج ...

وابتعد سيف عن مهرة مدة شهرين على باله راح تشتاقله وتتصل بس للأسف ما اتصلت فيه ولا شيء..
وكان دووووم يشتكي لربيعه حمد ... بس حمد ايقوله اللي ما يباك لا تصيح تباه ياسيف...
اما مهرة فكانت فرحااااانه لأن سيف خلااااااص تركها .... اما مها فتزوجت وسافرت مع زوجها ماليزيا ...
واتصل سيف في مهرة .. واول ما شافت مهرة الرقم فز قلبها وماعرفت تفسر شعورها هل هو حب او شوق او خوف ...لكنها ماردت ...اما سيف فكان متضايق ...

سيف : معقوووووله اغيب عنها شهرين وارجع وماترد على اتصالي ....؟؟؟؟
مهرة : احس انه انسان صادق ...واحس اني بديت احبه ... لالا شو هالافكار معقوله يالسه اضحك ع نفسي
كل الشباب يضحكون على البنات ومافيه واحد صادق...وفي الاخير اكيد بيضحك عليه ...
ام مهرة : مهرة شو فيج صار لي ساعة اناديج ولا تردين عليه ...في شوه تفكرين ..
مهرة : لحظه امي مريم بنت خالي على الخط ....بس دقيقه ....
الو الو مرحبا مريوم انا بخير انتيه شحالج ...شوووو تبين اروح معاج للمارينا ليش ؟؟؟ اهااااا تبين اثاث من ايكا طيب لحظه خليج معاي على الخط بسأل امي ...
امي ممكن مريوم تريد اروح العصر معاها للمارينا شو رايج ...؟؟؟
ام محمد : معليه وانا بعد بروح معاكم اريد صيدلية بن سينا ...
مهرة : ههههههههه مريوم زين بروح وامي بتروح معانا ....المهم العصر نترياج زين يالله مع السلامه ..
امي خذيلي من ابويه بيزات ترا ماعندي ...واريد اشتريلي شوية اغراض ...
ام محمد : زين بقوله بس انتي ماشتريتيلج شي للكلية وماباقي عليها غير اسبوعين ..وانتي تعرفين ان محمد مايحب تطلعين من البيت واااااايد ...
مهرة : اعرف والله اعرف ... وانشاءالله اليوم بحاول اخذلي كمن بدلة وبشوف شو منزلين يديد.

اما سيف فكان معزوووم على عرس صديقه سالم في صالة الضباط في بوظبي وكان لازم انه بيروح وبياخذ معاه السوسه حمد ...وكان سيف مستعيل واااااايد
سيف : حمد يالله لا تأخرني ماريد اتأخر على عرس سالم ... اريد اكون اول الحظور ..
حمد : زين انشاءالله بعدين العرس الساعه ثمان والحين الظهر الساعه ثلاث شو فيك
سيف : مافيني شيء بس اريد اتمشى في بوظبي وشوف كيف صارت ترا صارلي فترة طويلة مارحت اخر مره زرتها كنت بيبي هههههههه في باص المدرسه مودينا رحله ...
حمد : ههههههههه لابس مريول المدرسه لونه رصاصي هههههههههههه اخ يابطني ..
سيف : وجع يالحماااااار ...يالله عاد انا بركب ف سيارتي ..
حمد : اوكي يالله خلينا نروح ....

وطلع سيف مع ربيعه حمد وتوجهوا لبوظبي دار الظبي ... ودخلو بوظبي ع الساعه خمس العصر وقال سيف ياسلاااااااااااااام معقوووووله هذا شاطئ الراحه صار جذيه حلوووووو ... لااااا ولا المباني اليديده ياسلاااااااااااام صج تحس انك داخل العاصمه ...

حمد : سيف شوف نعولي ..
سيف : هههههه بلاهم حلوييين مشاءالله ..
حمد : لا مب حلويين ... وانته نسيتني اخذ ساعتي ونسيتني اخذ نعولي اليداد ..كيف بحظر العرس وانا حالي جيه .. كأني طرار .. وانته مشاءالله كاشخ اخر كشخه ...
سيف : عادي ولا يهمك الحين اوديك لأكبر مركز وبشتريلك نعال وساعه ماركه بعد هااااااااااه شو رايك
حمد : زين والله بعد لا تنسى تشتريلي مبايل يديد ....
سيف : توني دريت انك طرار .... عنبوه قولي مشكور يالغالي وماقصرت ... حتى الكلمه الحلوه منك ماااااااااشي بخييييييييييييل ....
حمد : اقــــــــــول يالله ودينا لبوظبي مول ايقولون فيها اشياء وااااااايد حلوه ...
سيف : والله اني ماوديك وبرايك جذيه ...اريد الناس تضحك على شكلك ...لحظه لحظه ...سالم يتصلبي ..
الو الو ... هلا بو غنيم شحالك عساك طيب ..
سالم : هلا والله انا بخير ومرحبا بالشيوخ وينكم على بالي اول الناس بيحظرون ...
سيف : افاااا والله توني داش بوظبي ماصارلي نص ساعه ..
سالم : قول والله زين حياك في بيتنا انا اترياكم ..
سيف : عندي الطرار حمد ههههههههههه
حمد : الله يسامحك كيف تفشلني جذيه في الريال ...
سيف : لا تزعل ياحمد امزح واحنا ربع ...
سالم : شو فيكم ههههههه ... يالس اضحك بدون ماعرف السالفه ..
سيف : اريد اشتريلي نعول وساعه وماعرف من وين ولا اي مركز اروح ..
سالم : روح للمارينا فيها وااااااايد اشياء حلووووووه بس لا تتأخرون علينا ...
سيف : مشكور الغالي ... الحين بروح عسب افتك من بعض الناس ...ههههههههه يالله مع السلامه ..
سالم : الله معاكم ولا تتأخرون فمان الله ...
حمد : انا ماريد اي شي منك يالخقاق تسمع..
سيف : افااااا ليش تزعل يالغالي انا امزح معاك شو ماتعرفني ..
حمد : كيف بزعل وانته بتشتريلي نعول ماركه وساعه ماركه ومبايل ماركه .....
سيف : اف اثاريك مب هيييين مب مشكله مجبور اشتريلك ماعندي طرار غيرك هههههههههه
ودخل سيف مع ربيعه حمد في المارينا مول ... وراحوا لمحل النعول بيشوفون شو الحلو عندهم .. اما مهرة فطلعت مع امها ومريوم بنت خالها وراحوا للمارينا ودخلو للمارينا ... مريوم قالت انا بروح لأيكا وقالتلها أم محمد أنا بروح لصيدلية أما مهره فكانت تريد تشتري ملابس للكلية ....
مهرة انا بروح لطابق الثاني بشوف شو منزلين ...
ام محمد : معليه روحي بس خذي مريم معاج ..
مريم : بس شويه اخلص شغلتي عقب اطلع اوياج ...
مهرة : اوكي ...

مريم : شو رايج في اثاثهم حلوووو صح ولا ...
مهرة : الصراحه عادي ....
مريم : شو فيج مهرة تبين تروحين فوق روحي عادي عندي ...
مهرة : وامي شو بتقول لو شافتني بروحي ...
مريم : امج مابتشوفج ... يالله روحي ...
مهرة : اوكي التليفون من بينا إذا خلصتي اتصلي فيني زين ..

وطلعت مهرة على السلم المتحرك ودخلت في محل الساعات قالت خليني اشوفلي ساعه كشخه ...اما حمد وسيف فقالوا خلينا نشوف ساعه ودخلوا نفس المحل اللي مهرة فيه ... وكان سيف يضارب مع حمد ويسبه كل شوي لكــــــــــــن ... اول مادخل المحل شافوا بنت سكتوا ...مهرة قالت هذا الصوت مب غريب عليه احس اعرفه ..
رن تليفون مهرة وكانت لازم بترد ...

مهرة : الو ... هلا مريوم انا فوق في محل الساعات شو تبين ...
مريم : تعالي شوفي الغرفه اللي اخترتها بسرعه ...
مهرة : زين ....

سيف : حمد احس هاي هي البنت اللي شفتها قبل ...
حمد : يالغبي لا تفضحنا ... يمكن مب هي ...
سيف : اوكي بجرب الحين بتصل فيها وإذا رن تليفونها تراها هي وانته أذلف من المحل عشان اكلمها ...

واتصل سيف في مهرة وسمع رنة تليفونها وتم يتصل ويسكر لين ما تأكد انها هي وكاااااااااان فرحاااااااااان وااااااايد مب مصدق ان الصدفه جمعتم مره ثانيه ...
اما مهرة فكانت مرتبكه وخايفه حتى مب قادره تطلع من المحل ...
وقرب سيف منها وقالـــــــــهاااااااااااااااا.....

سيف : السلام عليكم ...
مهرة : نعم ....
سيف : كل هالزين والحلاه من دار الظبي وانا ماعرف معقوله .... انا مب مصدق
مهرة : انته شو تريد مني انته ماتستحي ....
سيف : ماريد غير اشوفج بخير بس حبيت اسلم وانا اسف ماتوقعت اني بزعلج على العموم السموحه منج

وطلعت مهرة من المحل وهي تبكي ... ماكانت تعرف ليش كل هذا يصير معاها ... وماتعرف إذا اللي تسويه صح ولا مب صح ... اما سيف فكان فرحااااااااان انه شافها ... ودخل عليه حمد وقاله خلصنا يالثور عشان المعرس ينتظرنا يالله ...

سيف : إذا بتروح روح انا بيلس في المارينا ...
حمد : لا والله صدق ..
سيف : هيه صدق عيل شوه ...

وتم سيف يطرش مسجات لمهرة واللي بدت تأسر قلبه ... لكن مهرة ماردت عليه وطنشته ...
اما مريم فشترت غرفة النوم ... وطلعت مع مهرة لطابق الثاني عشان ايشوفون الملابس اللي نازله ..
قالت مريم انا بدش في الكوفي بطلب اثنين نس كافيه ... ودشت مريم تطلب ...
اما مهرة فكانت واقفه على الباب ومتغشيه تنتظر مريم ...
ومر سيف من جنب مهرة وقال ... مهرة اسم على مسمى الغاليه انا بطلع الحين وياليت تكلميني الليله لأني بقولج شي ضروري ... باااااااااااي .... وكانت مهرة متضايقه لأن سيف عرف اسمهااااا ...


مريم : مهرة الريال اللي كان واقف عندج شو كان يقولج ....تعرفينه ولا لا ....
مهرة : لا ماعرفه وكان يغازل يبا يعطيني رقمه ...
مريم : اهااااا والله الشباب مشاكل ...المهم خلينا ننزل عند عمتي ام محمد لأن تأخرنا عليها وااااااايد ..
مهرة : اوكي خلينا ننزل ...

ورجعت مهرة للبيت وكانت تفكر في كلام سيف ... فكرت انها تتصله عشان تشوف شو يريد منها ...
اما سيف فحظر العرس وطلع من بوظبي محالي الساعه وحده ف الليل ...وقالت مهرة خليني اتصل في سيف واشوف شو يريد مني واتصلت مهرة في سيف ...

سيف : اسكت ياحمد لا تتكلم مهرة على الخط ...
الو .. مرحبا ومسهلا بشيخة الزين ...
مهرة : اهلين ..
سيف : الغاليه انا في الطريج طالع لدبي اول ما اوصل بتصلج اوكي لازم تردين لأني بقولج شي مهم وااااااااااايد ...

مهرة : زين انا بتريااااااك ...بااااااااااااي

سيف : حمد انا مب مصدق عمري مهرة تريد تكلمني ...
حمد : سيف شو عندك ... هاي حركات بنات .... بعدين انته حيوان كان خليتها تكلمك وانا عندك عشان اسمع شو بتقولك ...
سيف : لا مهرة غير عن كل البنات ومستحيل اخليك تسمع صوتها فاهم ...
حمد : سبحان الله امس كنت تبا تنتقم واليوم حبيت شو السالفه ... ماقول غير سبحان اللي يغير ومايتغير ...

كانت مهرة تفكر وتقول ياترى شو اللي راح ايقوله لي سيف ..وانا شو بقووووله
ووصل سيف لدبي ونزل ربيعه حمد عند بيته وراح سيف لبيته واول ماوصل قدام باب بيتهم مانزل جلس في السياره وقال خليني اتصلي في مهرة ....واتصل سيف في مهرة وردت عليه مهرة وكلمته ونست نفسها نست اخوها محمد ونست روحها ..حست براحه كبيره وهي تكلم سيف اما سيف فتم يتكلم ويتكلم وماسكت وانطوى الليل وصارت الساعه خمس الفجر وبدون مايحسون في انفسهم ...
مهرة : سيف الساعه صارت خمس الفجر انا مب مصدقه احس ساعتي خربانه ...
سيف : والله مب معقوووووله انا بروحي ماحسيت في الوقت ....يااااااااااااااه
مهرة : ممكن انا بسكر التليفون ..
سيف : بس احنا بعدنا ما اتفقنا على شيء ...
مهرة : ؟؟؟؟؟؟؟؟؟؟؟؟
سيف : يعني اريد اعرف إذا قلبج يبا سيف ولا لا ...
مهرة : بليييز لا تقولي كلام يخليني استحي من عمري ..
سيف : فديت اللي تستحي ... انا اريد اكلمج كل يوم بلييييز لا تحرميني من هالشيء ...
مهرة : لا ما اقدر ... خلينا في الاسبوع مرة ...
سيف : والله ما اقدر ...على الاقل كل يومين اسبوع واااااايد عليه ...
مهرة : ماعرف بس الحين احس نفسي نعسانه وبنام ...
سيف : اوكي انا بتصلج ع الساعه 11 شو رايج ..؟؟؟
مهرة : اوكي ... ماعندي مانع بس ماراح اسهر معاك زين ....
سيف : مب مشكله ...

وسكر سيف التليفون وتمت مهرة تفكر في سيف ...وفي كلامه المعسول ...وسألت نفسها هل هي غلطااااانه وهل ياترا اللي تسويه غلط ...وشو بيكون نهاية هالعلاقه ... زواج ولا فراق ...
اما سيف فدخل البيت وشاف امه قدامه يالسه في الصاله ...وقالتله وينك وليش متأخر ...قالها كنت عند ربيعي حمد وتوني واصل البيت ...
اما في بيت مهره فكان الكل يسأل عن مهره وخصوصاً اخوها محمد ....والكل ايقول معقوله مهرة نايمه لين الحين وهي اللي عمرها ماكانت تنام ....

محمد : امي شو فيلي مهرة اريدها ...
ام محمد : خير انشاءالله شو مستوي ....؟
محمد : ماشي بس مشتاق لسوالفها الحلوووووه ...
ابو محمد : اشحالكم ... شو فيكم صوتكم موصل لأخر الشارع ...
محمد : ماشي يالغالي بس نريد مهرة بنسولف معاها ..
ابو محمد : هاي البنية ماتذكرني إلا إذا تبا فلوس وبس .. سيروا زقروها وياويلها مني ...
ام محمد : انشاءالله ...
مهرة : صباااااااااح الخير ...
محمد : جابوا في سيره القط جى ينط ...
مهرة : الحمدلله شفناك سيف ...
محمد : سيف ؟؟؟ منو هذاا
مهرة : احم هاااااه لالا اقصد سيف اللي كنت سهرانه على فلمه امس والله ....
محمد : هههههه سيف خااااااااااان اكيد ...
مهره : هااااااااااااه هيييييه صح ... اشحالك ابويه عساك بخير ...
ابو محمد : اكيد تبين فلوس صح بس تعرفين ماني معطيج ...
مهرة : لا والله بس بغيت رضاك عليه وهذا اهم شيء فديتك...
ام محمد : وانا محد يبا يسلم عليه ولا شو ...؟؟؟
مهرة : فديتج انتي قناة الله العوده ونور البيت كله كيف محد يبا يسلم عليييييج ...

كانت مهرة مرتبكه وخايفه وخصوصاُ إن اللسانها زل بسم سيف ... وقالت ياربي انشاءالله محمد ماياخذ بالله من الاسم او يحس اني مغلطه ....وراحت مهرة تشيك على رصيدها في التليفون عشان كان في خاطرها تتصل على فاطمة حرمت خالها ....وحصلت الرصيد في تليفونها 400 درهم منوا اللي حطهم ماتعرف ... محمد لالا مستحيل ...امي / ابوي لالا مايعرفون يدخلون رصيد من الصرافه .... ياربي منوا ... المهم اتصلت مهرة في فاطمة ..

مهرة : الو .....الو .... يااااااااااااااااي زيود حبيبي شو حالك انا مهرة مشتاقتلك يالثور ..
زايد : منو تبين بابا ولا ماما ..
مهرة : والله اباك انته انا مشتاقتلك ومتصله عشانك ... شو رايك تخلي ابوك يوصلك عندنا في بيتنا ...
زايد : زين بس ايدي تعولني ...
مهرة : بسم الله على ايدك حبيبي ... شو فيها
زايد : امي دربتني او او او سيحه بعد فلتني بالسنطه ...
مهرة : حسبي الله عليهم وياويلهم مني ليش يسوون فيك جي ...
فاطمة : زيود شو عندك ليش عيونك صايره قلوب اكيد تكلم حبيبت قلبك مهرة ...
مهرة : زيودي حبيبي عطني ماما بكفخها شوي ....
الو ....الو .... فاطمة
فاطمة : مرحبا مهرة ... شو حالج وشو اخبارج الغلا ...
مهرة : انا بخير بس ليش زيودي يتشكى منكم انتي وشيخه ... شو مسوييين في حبيب قلبي
فاطمة : هذا سوسه جننا والصراحه انا ماروم عليه .... شو رايج تاخذينه ...
مهرة : زين انا متصله عسب اخلي خالي ينزله عندي ... ترا انا مشتاقتله مووووووت فديت عمره ...
فاطمة : تبين الصراحه فكه من ويه زايد اللي مصدعنا ف البيت ....
مهرة : اوكي انا الحين بطرش الدريول مع البشكاره زين ...
فاطمة : انا نسيت اقووولج شيء ..ترا احنا بعد الغدا بنروح العين بتروحين معانا ...
مهرة : مادري والله بسأل محمد وامي ...
فاطمة : اسأليهم وردي عليه بسرعه زييين ...
مهرة : اوكي ... الحين بنتصل في محمد ... يالله باااااااااااااي ..

واتصلت مهرة في محمد ... الو... معالي الوزير محمد شخبارك ....هههههههههه
محمد : مالت على ويهج يالبقره ...
شو تبين متصله ؟؟؟
مهرة : انا اريد اروح مع خالي سعيد وعيالهم للعين شو رايك ....
محمد : عنبوووه انتي ماتلاحظين على عمرج انج ماتيلسين في البيت ... ثقلي شوي ..
مهرة : ورفجت مريومه انك تواااااافق ...
محمد : هاااااااااااااه مريوم اسكتي والله مشتاق لها على العموم انا مابقول شيء دام رفجت مريوم خلاص رووووحي ...
مهرة : هههههه اوكي عيل انت استأذنلي من ماماتي ام محمد ...
محمد : انشاءالله يالسوسه مهرة ....

وطلعت مريم في غرفتها تجهز اغراضها ...ياربي شو اخذ ... لالا اريد قبل اشوف كم عندي بيزات ياربي شكلي بروح اطلب ابويه ... ورن تليفونها وكان سيف هو المتصل ...

مهرة : ياربي ليش متصل الحين ... الو ... هلا سيف ..
سيف : مشتااااق لج وااااااااااايد ...
مهرة : سيف انت ...
سيف : هيه انا اللي حاط رصيد في تليفونج ....
مهرة : ليش ... انا ماريد منك شيء ...
سيف : وانا ماريدج تخسرين عمرج ...
مهرة : سيف انا بروح الحين العين مع خالي وماعندي وقت اكلمك ...
سيف : قولي والله متى بتروحين ...
مهرة : بعد الغدا ....
سيف : خلاص انا بروح بعد ....
مهرة : هههههههههه انته تمزح صح ...
سيف : لا ما امزح اتكلم جد اوياج ....واريد اشوفج ممكن ...
مهرة : انته شو يالس تقول ...
سيف : اقول اريد اشوفج ....ممكن
مهرة : ليش على بالك انا من البنات الصايعات ... صح اني وافقت اكلمك على تليفون لكن مستحيل افكر اني اشوفك من ورى اهليه تسمع .....
سيف : ليش جي اسلوبج عوف معايه .. اللي يسمعج ايقول هذا بياكلني ...انا ماريد غير اشوفج ومن بعيد ...شو قلتي ..
مهرة : شيء في خاطرك قبل اسكر تليفوني ..
سيف : دوووم اذل عمري وعشان شيء مايسوى ...
مهرة : اوكي ... محد جابرنك تتصل وتأذي عمرك ...

وسكر سيف التليفون وهو معصب من اسلوب مهرة ... اما مهرة قالت احسن اغلق تليفوني واخليه ف البيت ... انا لازم ابتعد عن سيف فتره على الاقل اخليه يراجع نفسه ويشوف وانا بعد اراجع نفسي ....مش معقوله صار لنا نعرف بعض من 6 شهور ولين الحين مب فاهمييين بعض ..ورن تليفون مهرة وكانت المتصله فاطمة ...

مهرة : الو هلا فاطمة ...هيه انا جهزت متى بتمروني ...اوكي خلاص انا بنزل الحين تحت ..
سيف : الو ... حمد انا اريدك الحين ممكن ...
حمد : وليش انشاءالله ماتسلم ... ولا خلاص
سيف : سوري بس انا متضايج شوي واباك ...ممكن اشوفك الحين ... في بيتنا
حمد : اوكي انا بحرك الحين صوبكم ... وانشاءالله خير يابو الشباب ..
سيف : آه ياحمد ... انا سيف تذلني وحده وتقهرني بأسلوبها ...وانا اللي الكل يتمناني
بس اقسم بالله اني اذلها ...
حمد : أففف شو سوتبك البنت ...
سيف : اقولها بشوفج وسبتني سب ...انا مب من النوع اللي ف بالك ...
حمد : ههههههههههه اخ يابطني خلاص اسكت ...
سيف : انقلع الله يقلعك ياحمد ...عنبوه انا اشتكيلك وانته تضحك عليه ... بس الشرهه مب عليك على اللي اتصلك وقالك تعال ...
حمد : خلااااااص سيف والله اني استخف دمي عليك لا أكثر.. اعذرني فديتك ...بس إذا تبا تسمع كلامي خليها ولا تعطيها اهتمامك لأنها ماتستاهل ... والبنات واااااايد ...
سيف : اعرف بس انا وراها وعمري مابخليهااااا....

اما مهرة فأغلقت تليفونها وخلته في البيت...حبت تراجع نفسها في سيف .. وراحت للعين وجلست مدة اسبوع كامل ...صح انها كانت مشتاااااااقه لسيف بس ماباليد حيله لأنها بعيده عنه اما المسكين سيف فكان يتصل ويتصل بس للأسف التليفون مغلق وماعرف شو اللي صار لمهرة وكل يوم يشتكي لربيعه حمد ... والمشكله ان سيف بعد يومين بيسافر ولازم يعرف عن مهرة اي شيء قبل السفر ....

وللحديث بقية وانتظروا الجزء الثالث من القصة ..