[خالد العجمي.]

ثلاث قصائد للشاعر محمد اليامي

فرقاك ورجوعك

كثـر ماشتـاق لرجـوعـك أفكـر دوم فـي فـرقـاك

وأسـأل عـن سـبب فـرقـاك وليـة أشتـاق لرجوعك

أدوّر عـن سـبب واحـد سـبب واحـد هنـا وهنـاك

يفسـرلـي غيـابك هـو غصـب عـنـك أو بطـوعك

تـركـتـيني وأنـا ضـامـي وأنـادي ( عـوّدي نفداك )

دخيلـك عـوّدي يـابنت أنـا ضـامـي لينـبـوعـك

لك الله كـل مـاتطـريـن فـي بالـي .. قبل طـريـاك

أحـس البـال يصـرخ لـي : تجهّـز وإمسح دمـوعك

أفـز مـن الفـرح وأجلـس أنـا والقلـب نتـحـرّاك

تجيـن بمـوعـدك مثـل الحيـا وأعيـش فـربـوعـك

تعـالـي وإجلـسي جنـبي وهـذا خـافـقـي مـركاك

تـوسدتيـه يـامـا .. وخيـر لـو يتـوسـده كـوعك

فـداك الخـافـق إللـي لـه ثـمـان شهـور يستـنّـاك

ثـمان شهـور وهـذي حـالتـه .. يضـمـاك ويجـوعك

تبين أعـلّمـك وش صـار بـغيـابـك ؟ نـويت أنـساك

نـويت أنسـاك فـعـلاً وقـتهـا قفّـلت مـوضـوعـك

لقيتـك سـاكنـه فـينـي ومهمـا ألتـفـت ألـقــاك

أحـسّـك واقـفـه جنبـي واحـس برعشـة ضلـوعك

أشـوفـك فـي وجيـة النـاس مكتـوبة وأقـوم أقـراك

واروح اذاكـرك .. كـود أنجحـك وأحظـى بمجمـوعك

عـرفتـي ليـة أشتـاقك وأفـكّـر دوم فـي فـرقـاك ؟

وأسـأل عـن سبب فـرقـاك وليـة أحتـاج لرجـوعك ؟

بسيطـة .. هـو سبب واحـد سـبب واحـد ومـايخفـاك

نعم حبـك .. ( جـعل بقعـا تصـوع الحب وتصـوعك )

*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-

اعشق اهبالك

بـنـت الـسـحـاب أسـألـك بـالله وش تـعــنـي

غـيـبـوبـة إلـلـي يـجـيـك ويــوقـف قــبـالـك

مـايـنـتـبـه لـيـن يـسـمـع : هـيـه تسـمعني ؟

مـن ثـغــرك تـسـوقـهــا تـلـويـحـة شـمـالك

بـالله أبــي رد بــس بـشــــرط يـقـنـعــنـــي

وشـلــون وإنـتـي بـقـربي باقي أسعى لك !

وشـلــون ودّي عـلــى كــلـّـك أوزعـنــي !

وأغــار مــن بـعـض كـلـّي لحظة وصالك

وشــلـون أجـمـّـع شـتـاتـك لـيـن أضـيّـعني

وأتــوه عــمـري بـلـيـل عـيـونـك الـحــالك

إلا عـلــى ذكـــر عـيـنــك صــار يـمـتـعني

ردّة فـعــل رمـشـهـــا مــن ردّة أفــعــالــك

لــفـتــاتــهــا يــــد طـفـلــة دوم تـصـفـعـني

وأنــا بـشـقـــاوة يـديــهــا الـعـاشـق الهـالك

يــاهــي هــدبـهــا يـنــزّلـنــي ويــرفـعـنـي

كـل ما أرتـفـع ثـم نـزل أنـزل ثـم أرقى لك

تـكـلـّـمـي بـحــّـتــك مــن جـد تـصـرعــني

قــولـي لـي عــن كـل شـي يـدور فـي بالك

بــأول لـقــا هــب لـي صـوتـك وشـرّعـنـي

أنــفــاســك الــدافــيــة تـسـتـعـطـف أقوالك

لـســانــك إن زل قـلــتـي : الله يـقـطــعـنـي

مــن رقـتــك بــس فـــــال الله ولا فــــالــك

مــرّه تـقــولـيـــن لــي : مــاعـاد تـنـفـعـني

وألــقــانــي أشـكـيـك لـك ظـلمـك وألجـالك

وتـقــولــي : أمـزح بـضحـكة حيل تفجعني

بــالــرغـــم مــن كـل هـذا أعـشـق هـبـالك

وإلـلـي وهـبـنـي حــلاك وفــيــك ولـّـعـنـي

مــن كـثـر ما أهـواك ودّي أحـضن ظلالك

جــوالـــــي إن دق قــلـــت : الله سـمـعـنـي

ســجـّـلـتــك بـإســــم (( ياقـلـبـي هنيالك ))

تـــدرين شـ أكــثـر سـؤال بجـد يـوجعني ؟

إنـتــي وش مـسـجـّــلـه إسـمي بجـوالك !!

*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-

شرطي وحرامي

وشـلـون أنـام وكـيـف بـيـجـيـنـي الـنـوم

وأنـا لـصـوتـك يـامـنـى الـروح ضـامي

نـمـتـي وصـار الـلـيل ونجـومه خصوم

لاتـشـغــلـــي بــالـك بهــمــي ونــامـــي

نــامـي وخـلـي لـي جـفـن غـارق هموم

يـكـفـيـنـي أسـهــر لـك يـاكـل إهـتمـامي

البـارحــة صـارت بـعــد نـومـك عـلـوم

لـعـبـت أنـا والـشـوق شـرطي وحرامي

أقـوم وأجـلـس وإن جـلـسـت أرجع أقوم

والله مـــو مــنــي ذبـحـنــي هــيـــامــي

طـيـفــك قــبـالــي جـالـس يـدور ويحوم

حــاولت أضـمه مـا أسـعـفـتـني عظامي

مـن يــوم شـفـتـك وألمح الخصر مبروم

طــاحــت بــي عــزوم وتـغـيـر نـظامي

كــلـي عـلـى بـعـضـي تـغيرت .. معلوم

ثـقـافـتـي .. شـكلي .. قـصيدي .. كلامي

يـا إنـي قـبــل ألـقــاك مــن جـد محـروم

لـيـتـي عـرفـتــك قـبــل سـاعـة فـطـامي

كــل الصبـايـا كـوم بس ضحـكـتـك كوم

فــديـت روحــك يـاهــواي وغـــرامـــي

عــلـى الـعـمــوم الله يهـنـيـــك بـالــنــوم

خــلــي الـسـهــر لـعــيـون خـلـك ونامي

نــامــي جعـل يـومي قـبـل يـومـك بـيوم

وأنــا بـواصــل لـيـــن أروح لــدوامـــي