[الرهاوي]

[size=5][color=#990000][align=center]
قصيده خامسه واتمنى ان تنال اعجابكم
واسمحوووا لي بالمشاااركه

الله على جيب ياباني = ماقلدّوا صنعته فالصين
فضي ولوحاته عماني= واسمه مسجّل على البابين
من واردات البريماني= سته موديله ورى الالفين
في وقفته سحر الاعياني= وفي مشيته يطرب السارين
فالخشم لؤلؤ ومرجاني = اسطب يلمع على الجنبين
وفالخلف شنطه وجنحاني = وشكمان ما يمنع التدخين
مصنوع من فكر نصراني = حكم بلاد العرب والدين
فالقدس واطراف لبناني= جمّع جيوش الصليبين
اقولها والعمر فاني = الله يرحم صلاح الدين
شيا تكلم على الساني= ابرى منه عند ابو شرين
وارجع لموضوع قيفاني = واكمل لكم قصة التنّين
مقطع من الشعر الاعلاني = فاصل نواصل بعد بيتين
في ذمتي ما معه ثاني = فالعين... يامال فرقا العين
سكبه ونظره وميزاني= وفي سومته يفرق الشارين
اليا اشتغل صوت فناني= صوت المكينه مع السيرين
كنه يغني بالالحاني =(يامركب الهندي يابو دقلين)
ابيه لا صرت وحداني = والقلب مشتاق للمقفين
اليا سرى الذيب سرحاني= والليل روّح منه نصفين
سرّيت ليلي وسراني = واخذت بالقاف طاروقين
اذكر حبيبا تناساني = وينه ووين الرهاوي وين
روّح حبيبي وخلاني = القلب حبحب على السكين
يابعد روحي وخلاني =يابهجة القلب والعينين
يامالكا كل وجداني= ياغالي اغلا من الغالين
ياساكنا وسط شرياني= يامشقي الحال بين وبين
ياخـدّ ابه ورد بستاني = وردي على ابيض وريحه زين
والثغر ميراد سكراني = من رشفته يفقد الصاحين
والثلج في شوف الاسناني = والروج حوله يسر العين
ياالي بك الطول وسطاني= يامدمج الساق والردفين
يازين ...ياعود رماني = ياناحل الخصر والكتفين
ياواسع العين.. حوراني=ياناعم الكف واليدّين
يا مشعل الصدر بركاني = ياللي بعد ماوصل عشرين
روف وترفـّق بالانساني = اللي بلاه الهوى والدين
الدين قاموا به اخواني = الي على المرجله ضارين
وفالحب ما القى لي اعواني = القلب ما يقبل الاثنين
وان كان ترجع على شاني= تختار وحده من الثنتين
ترجع ولاعاد تجفاني= وما عاد تلعب على الحبلين
وتنسى فراقي وهجراني = وتكتب عهد ماتخون سنين
والاّ انس رقمي وعنواني = وانسا الهوى بعدكم...يازين

.
اخوووكم الرهــــــــــــاوي